It(em) gheert p(er)soens sone bellens in p(rese)ncia heeft genome(n) ende/ bekint dat hij genome(n) heeft van m(ijnre) vrouwe(n) ende (con)ve(n)te des/ godshuys vand(er) banc ten bijzijne ende met (con)sente lod(ewijx) roelants/ en(de) henr(ix) vand(er) horst mo(m)bo(r)en desselfs godsh(uys) twee en(de) een half/ boende(re)n lants min i groote roede geleg(en) te landen(e) in div(er)sen/ stucke(n) ende p(ar)cheele(n) ald(air) alsoe de voirs(creven) bellen voe(r) en(de) de voirs(creven) gheert/ nae tot her toe die gehouden hebben Te houden te hebben en(de) te/ wynne(n) van halfmerte naest(comende) eene(n) t(er)mijn van tweelf jae(re)n lang/ deen nae dande(r) sond(er) middel vervolg(ende) Elcx jaers d(air)enbinnen/ om ende voe(r) vie(r) ende eene(n) halve(n) sacken korens der maten/ en(de) pacht van thiene(n) cu(m) va(nn)[o] te vi halst(er) den sack alle jae(re)/ s(in)[t] andr(iesmiss)[e] ap(oste)ls te betale(n) en(de) te thiene(n) te leve(re)n q(uo)l(ibet) ass(ecutu)[m] It(em) is/ vorweerde dat de voirs(creven) wynne de voirs(creven) lande houden wynne(n) werve(n)/ en(de) mesten sal den voirs(creven) t(er)mijn due(re)nde wel en(de) loflijc gelijc reeng(enoten)/ boven en(de) benede(n) ende die laten te sijne(n) afsceyden alsoe hij/ die ae(n)veerden sal en(de) en sal die landen noch gheen van dien/ binne(n) den lesten drie jae(re)n moeg(en) hoervruchte(n) It(em) sal de wynne/ jaerl(ijcx) alle chijsen en(de) co(m)me(re)n uuten voirs(creven) goeden gaende alsoe/ in tijts betalen in afslage van zijnen pachte dat den godsh(uyse)/ d(air)bij gheene schade en geschiede want oft d(air) schade/ af quame soude de wynne die schade te sijne(n) laste moeten/ drage(n) It(em) is vorweerde dat de voirs(creven) wynne binne(n) eene(n) jae(re)/ naestcomen(de) m(ijnre) vr(ouwe) bringe(n) alle de p(ar)cheele(n) der voirs(creven) lande(n) met/ declaracie(n) vand(en) nyeuwen reeng(enoten) in gesc(ri)fte En(de) alle dese/ vorweerd(en) (et)c(etera) cor(am) opp(endorp) reth(eman) nove(m)br(is) x