SAL7373, Act: R°222.1-V°222.1 (480 of 786)
Search Act
previous | next
Act R°222.1-V°222.1  
Act
Date: 1480-02-17

Transcription

2020-10-17 by Greet Foblets
Vanden gedinge dat geweest heeft inde banck voir meye(r) ende/
scepen(en) van loven(e) voir sint jansmesse lestleden tusschen henricke/
van cuyct aenlegge(r) t(er) eender zijden ende he(re)n janne boels al(ia)s/
kempene(re) als procur(eur) henr(ix) zijns vaders ende janne van ost als/
procur(eur) der sartroise(n) van antwerpe(n) der kerken va(n) waelhem met/
hue(re)n adhe(re)nten v(er)weerde(re)n t(er) ande(re) om vijftich rinssche guld(en) erflic/
bebrieft met scepen(en) brieve(n) va(n) loven(e) vander daet xiiii[c] xxxix/
[vacat] die g(or)de van cuyck des voirscr(even) henr(ix)/
vader tot zijnder tocht behoeff ende den selve(n) henr(icke) voir derflich(eit)/
bij willem(me) dekens als geleyt nader stat recht van loven(e) tot/
den goeden bauduyns van buyten ende jacops van orshage(n) zijns/
behuwede soens besedt en(de) v(er)pant werdden op div(er)se goede/
chijsen rinte(n) ende pachte(n) te conticke te waelhe(m) te duffle/
sinte ka(tlij)[ne(n)] wave(r) en(de) d(air)omtrint gelegen dairaff de voirscreve(n)/
v(er)weerde(re)n e(n)nige houden(de) ware(n) en(de) d(air)nae te meerder vestich(eit) op/
seke(re) goede te mechele(n) gelege(n) v(er)oblig(eer)t werde(n) voir welke/
rinte(n) ombetaelde acht(er)stelligh(en) chijs de voirscr(even) henr(ic) hem alle zij(n)/
voirscr(even) onderpande met br(ieve) vand(er) stat hadde doen leve(re)n dair/
die selve tusschen de voirscr(even) p(ar)tien voir den selve(n) sint jansmesse/
lestleden soe v(er)re beleyt hadde geweest dat ae(n)sprake en(de) v(er)antw(er)d(en)/
met monde ware(n) geschiet en(de) thoenisse(n) beyde van br(ieve) munime(n)ten/
ende leven(de) wairh(eit) in gescrifte in wed(er)zijden gheexhibeert gep(ro)duc(eer)t/
ende geleyt ware(n) die onder de secretar(is) berusten en(de) oick alsdoen/
d(air)inne alle salvacien en(de) reproche(n) talle(n) zijde(n) gedae(n) en(de) inder saken/
geconcludeert Ende want ten selve(n) sint jansmesse te(n) afgane vand(en)/
scepen(en) van dien ja(r)e d(air)af gheen vo(n)nisse en was geg(even) noch die/
sake gheutent Soe hadden de voirscr(even) p(ar)tien te beyden/
zijden naden voirscr(even) sint jansmesse inde banck voir meye(r) en(de)/
scepen(en) van des(en) ja(r)e versocht die gheutent en(de) dairaff/
een vo(n)nisse gegeve(n) te worden soe v(er)re dat scepen(en) inder/
saken gemaent wijsden met vo(n)nisse dat de voirscr(even) p(ar)tien/
dbedingde souden verversschen zonder yet nyeus inne te/
bringen(e) ende de thonissen ende deposicien in wed(er)zijden/
geschiet ende in gescrifte gestelt soude(n) blive(n) in hue(re)n wesen(e)/
om p(ar)tien te dienen soe v(er)re alse recht Welk(en) vo(n)nisse/
achtervolgende de voirscr(even) henr(ic) zijn aensprake heeft v(er)verscht
//
hem fonde(re)nde op zijn brieve ende zeke(re) possessie die hij zed(er)/
xxx ja(re)n he(m)werts va(n) zijne(n) rinte(n) hadde gehadt en(de) meer ande(re)n/
pointen in zijne(n) int(er)rogatorien v(er)cleert tende(re)nde tsijnder (con)clusien/
dat hem zijn onderpande toegewijst worde(n) tot dat hij voldaen/
ware van zijne(n) acht(er)stelligen rinte(n) met coste en(de) co(m)me(r) Ende zij(n)/
wed(er)p(ar)tie hue(r) fonde(re)nde meestdeel int verversschen hue(re)r antw(er)d(en)/
op div(er)se uuytwi(n)ni(n)gen voirdadinge(n) die opde goede die zij/
houdende ware(n) nader bancke(n) rechte(n) dair die gelege(n) ware(n) gesciet/
souden zijn oick opde guedinge(n) possessien ende gebruycke(n) die/
zij dairaff hadden gehadt ende [oick] op eene g(e)n(er)ale uuytwi(n)ni(n)ge/
dair mede henr(ix) rinte int geheele te mechele(n) uuytgewo(n)nen was/
geweest bij ymbrechte mussche en(de) op div(er)se guedinge(n) ende/
v(er)tie(ri)ngen die ald(air) dien navolgen(de) vand(en) selve(n) rinten ware(n) gesciet/
div(er)sen p(er)sone(n) opde(n) co(m)mer va(n) xlviii r(inssche) gul(den) lijfpen(sien) d(air)mede de/
selve erfrinte belast soude zij(n) geweest en(de) voirt op meer andere/
pointe(n) in hue(re)n int(er)rogator(ien) naerde(r) begrepe(n) Ende also (con)clude(re)nde/
t(er) (contra)rien van henr(ix) (con)clusien hopen(de) dat deselve henr(ic) aen hue(r)/
goede wa(r)e verdoelt Ende zij in wed(er)zijde(n) mo(n)delinge v(er)hael/
gemaect hebben(de) van hue(re)n salvacie(n) [en(de)] reproche(n) en(de) den reden(en) elk(en)/
tot zijnder (con)clusien dienen(de) Hebben de scepen(en) va(n) loven(e)/
rijpelijck oversien alle gescriften brieve(n) munime(n)ten p(ro)ductie(n)/
en(de) disposicien van getuygen t(er) eender ende [t(er)] ande(r) zijden geexhib(eer)t/
en(de) geleyt ende op al gelet hebben de selve scepen(en)/
ter manissen smeyers ghewijst voir een vonnisse/
want beyde partien heure sake bedingt hebben met/
monde voir huere voirseten soe setten zij partien op/
huere yerste recht te gheven en(de) te nemen Behalve(n)/
dat in dien processe alle br(ieve) en(de) munim(en)ten bij partien/
voirmaels ov(er)geg(even) ende de productien inder sake(n) gedae(n) en(de)/
in gescrifte geset p(ar)tien sulle(n) diene(n) soe v(er)re dat nae recht/
behoire(n) sal In scampno p(rese)ntib(us) o(mn)ib(us) scab(inis) de(m)pto borch(oven) febr(uarii) xvii
ContributorsGreet Stevens
Moderated byGreet Stevens
Last update: 2016-12-06 by Jos Jonckheer