SAL7373, Act: R°26.3-R°27.1 (66 of 786)
Search Act
previous | next
Act R°26.3-R°27.1  
Act
Date: 1479-07-17

Transcription

2020-05-05 by Greet Foblets
Item jan speelberch geheete(n) smeyers wonen(de) te ned(er)poirte inde/
prochie va(n) ottenborch in p(rese)ncia heeft genome(n) en(de) bekint dat hij
//
genome(n) heeft van janne van rode al(ia)s ty(m)merman thof des/
selfs jans geheete(n) thof te nederpoirte gelegen inde voirscr(even)/
p(ro)chie mette(n) wynnen(de) lande bempde(n) bog(ar)den en(de) alle(n) zijne(n) toebeh(oirten)/
welke goede goirt va(n) rode brueder des voirs(creven) jans tot noch/
toe gehouden heeft Te houden te hebbe(n) en(de) te wynne(n) va(n)/
uuytganck meye lestleden eene(n) t(er)mijn va(n) twelf jae(re)n lanck/
deen nae dander zonder middel v(er)volgen(de) behalve(n) oft e(n)nich/
va(n) hen beyden ten eynde vande(n) yersten zesse jae(re)n scheyden/
woude dat hij dat doe(n) mach behalve(n) dat hij dat de(n) ande(re)n/
een half jair te vo(r)en cundigen moet Elx jaers d(aer)enbynnen/
om en(de) voe(r) zesse mudden corens der mate(n) va(n) loven(e) cu(m) va(n)no/
alle jae(re) tsinte andr(ies)misse te betalen(e) en(de) te loven(e) te leve(re)n/
quol(ibet) ass(ecutu)[m] Item h(ier)enbove(n) sal de voirs(creven) wynne alle(n) den chijs/
uuyten voirscr(even) goede(n) gaen(de) soe in tyts betale(n) dat den voirs(creven)/
janne va(n) rode noch zijne(n) goeden d(aer)af gheen scade en come/
zonder afslach des voirs(creven) es Item es vorweerde dat de voirs(creven)/
wynne de voirs(creven) lande sal wynne(n) werve(n) en(de) meste(n) wel en(de)/
loflijck gelijck reeng(enoten) bove(n) en(de) bened(en) It(em) allet doeft opde/
voirscr(even) goede wassende sele(n) jan va(n) rode en(de) zij(n) wy(n)ne/
te gelijcke deylen des sal de voirs(creven) wy(n)ne sculdich zijn/
des voirs(creven) jans va(n) rode helcht te loven(en) te leve(re)n It(em) alle/
de huysinge vand(en) voirs(creven) hove sal de wy(n)ne houde(n) in redelik(en)/
state van wa(n)ne en(de) van dake It(em) alle de wege sal de/
voirs(creven) wy(n)ne tsijne(n) laste houden alsoe datter jan van/
rode gheen scade bij en lijde Ende v(er)make(n) en(de) stoppe(n) alle/
de gate en(de) thuyne(n) aende voirs(creven) goede staen(de) des sal hij/
moege(n) afhouwe(n) en(de) struncken allet trunchout aende vorle(n)/
en(de) allo(m)me omtrint de voirs(creven) goede tot zijnder berringe(n) behoef/
zonder int bosch des voirs(creven) jans va(n) rode te houwen(e) oft ae(n)/
opgaen(de) boome yet te doene Item alle v(er)droechde boome opde/
voirs(creven) goede wassen(de) sal de voirs(creven) wy(n)ne moege(n) afhouwe(n) en(de)/
sette(n) voir elke(n) eene leven(de) poote Item es noch vorweerde/
dat de voirs(creven) wynne alle de voirscr(even) lande sal late(n) tsijnen
//
afscheyden(e) gelijck hij die vant tsijne(n) aencomen(e) te weten(e)/
dblock geheeten der kerke(n) hof houden(de) omtrint v dach(mael)/
besayt met tarwe(n) en(de) rogge ende iii dach(mael) derde schoof opde(n)/
waverssche(n) wech besayt met rogge Item noch een dach(mael)/
aen tgerichte van sinte aechte(n) rode oick besayt met/
rogge Item een block met huyse en(de) met hove houden(de) omtr(int)/
vijf dach(mael) geleg(en) opden hole(n) wech besayt met g(er)sten met/
erwete(n) met even(en) en(de) met crucken Item ov(er) dander zijde/
vand(en) holenwege omtrint iii dach(mael) besayt met even(en) Item/
noch omtrint iii boender derde schoof brake dwelck hij/
laten moet opde meyvore Item es noch vorw(er)de dat/
de voirs(creven) wynne jairlijx sal betale(n) de bede mijns gened(ichs) he(re)n/
die opt voirscr(even) goet geset sal worde(n) gelijck jan va(n) rode/
die betale(n) soude alsoe datt(er) janne va(n) rode gheen scade af/
en come Item sal de voirs(creven) wy(n)ne vanden voirs(creven) landen/
alle jae(re) zijne(n) t(er)mijn due(re)nde moete(n) m(er)gele(n) een half boender/
lants des sal jan va(n) rode tderdel vand(en) m(er)gele moete(n) betale(n)/
en(de) de wi(n)ne de tweedeele Item selen de voirs(creven) jan van/
rode jairlijx moete(n) coope(n) hondert schoeve stroos en(de) de wy(n)ne/
een hondert tot behoef vand(en) voirs(creven) lande des sal de wi(n)ne/
jans stroo moete(n) halen dairt jan coope(n) sal cor(am) berct mole(n)/
julii xvii
ContributorsGreet Stevens , Jos Jonckheer
Moderated byMi-Je Van Gils
Last update: 2016-11-08 by Jos Jonckheer