SAL7373, Act: R°66.3-V°66.1 (173 of 786)
Search Act
previous | next
Act R°66.3-V°66.1  
Act
Date: 1479-09-14

Transcription

2019-01-24 by Greet Foblets
Nae dien dat ter ky(n)nissen vander stat come(n) is dat jan va(n) beke/
briede(r) inden creeft boven en(de) in (contra)rien va(n) zeke(re)n t(er)mi(n)acien tussche(n)/
hem en(de) jouffr(ouwe) katlijne(n) horekens weduwe jans wijle(n) vand(en)/
hove uuytgesproke(n) xvi julii lestlede(n) aengaen(de) d(er) execucie(n) van/
zeke(re)n scepen(en) brieve(n) hue(r) bijde(n) voirs(creven) janne geloeft die de voirs(creven)/
jan belette(n) woude en(de) schorssen mids zeke(re)n vorw(er)d(en) en(de) toeseggen(en)
//
die hem de selve weduwe gedaen soude hebbe(n) getransporteert/
soude hebbe(n) eene(n) zijne(n) zone suppost zijnde vand(er) univ(er)siteyt/
dactie vander selver geluefte(n) om de voirs(creven) jouffr(ouwe) d(air)mede te/
quelle(n) voe(r) den (con)s(er)vateur en(de) dat zij alsoe d(air) voe(r) alreede ald(air)/
was gedaicht In grot(er) chei cleynich(eit) v(er)smadenisse(n) en(de) acht(er)deele/
vand(en) rechte van des(er) stat bezundert vand(en) voirs(creven) t(er)mi(n)acien d(air)/
hem de voirs(creven) jan p(ri)ncipalijck en(de) bezundert mett(er) voirs(creven) geluefte(n)/
die hij zeder getransporteert heeft woude behulpe(n) en(de) hem nae/
recht afgeslagen w(er)t en(de) tot gheene(n) behulpe come(n) noch diene(n)/
en mochte Soe es op heden de selve jan come(n) voe(r) de(n) rade/
vander stat d(air) tege(n) de voirs(creven) wed(uwe) ontbode(n) es geweest en(de) na/
dien dat hem aldair de voirscr(even) t(er)mi(n)acie was openbaerlijck gelese(n)/
Ende d(air)entenden d(air)op rijpelijck geledt zijnde wert bijde(n) rade/
vand(er) stat uuytgesproke(n) en(de) get(er)mineert dat de voirs(creven) jan ter/
stont in hachte(n) gae(n) en(de) gestelt soude hebbe(n) worde(n) en(de) in hachte(n)/
blive(n) zoe lange en(de) tot aender tijt toe dat hij af en(de) te nyeute/
gedaen sal hebbe(n) costeloes en(de) schadeloes tv(er)volch bij zijne(n) zon(e)/
mids zijne(n) voirs(creven) transport gesciet opde voirs(creven) weduwe ende/
voirt afgedae(n) en(de) gecuelt alle costen en(de) laste(n) die d(air)o(m)me zij(n)/
gesciet en(de) d(air)uuyt meer rijsen mochte(n) In cons(ili)[o] op(idi) sept(embris) xiiii
ContributorsGreet Stevens
Moderated byGreet Stevens
Last update: 2016-11-15 by Jos Jonckheer