Item daniel aroens sone wettich gielijs wijle(n) aroens heeft/ opgedragen met rechter verthidenissen uuten erve oft huyse/ desselfs daneels geheten de roy porte gelegen inde borchstrate/ tussche(n) de goede jans dille(n) ter eend(er) ende goessens du(n)nemelx/ beckers ter ande(re) de goede hier nae bescr(even) Te weten(e) een/ plaetse die tcaetspel plach te sijne gelegen tussche(n) de porte/ en(de) sale vand(en) selve(n) huyse t(er) eerne ende thuys ende den/ muer svoirs(creven) jans dillen ter and(er) zijde(n) Dair inne begrepen/ tgeheel stalleken aen tstrate tot aende(n) muer svoirs(creven) jans/dillen ter and(er) zijde(n) vanden voirs(creven) porte(n) Welke plaetse geheel/ vanden egge oft muere der selver porte(n) ten erve wert inne/ tot opden egge vande(n) huyse der selver salen bijde(n) voirs(creven) janne/ met eene(n) muere af gesloten sal wordde(n) den welken muer/ de selve jan houde(n) sal tot sijne(n) last erfelijck heeft noch/ insgelijx opgedrage(n) de selve daneel een gedeelte vande(n) stalle/ en(de) den geheele(n) wat(er)scape ald(air) gaende tselve gedeelt vand(en) stalle/ tot der helicht vand(en) yerste(n) balck t(er) slincker zijd(en) vande(n) selve(n)/ stalle aldair liggen(de) ter welck(er) helicht de voirs(creven) jan een/ ond(er)slach van eene(n) dobbelen wande tsijne(n) laste sal doen/ maken en(de) houde(n) tot eeuwige(n) dagen zonder bove(n) de(n) ond(er)ste(n)/ solde(r) van dien stalle oft vord(er) dan ten halve(n) balcke voirs(creven)/ ten erve wert inne svoirs(creven) daneels rechte te hebben Behalve(n)/ oic dat de voirs(creven) daneel en(de) de besitt(er)s van zijne(n) erve die/ hij dair behout sulle(n) behoude(n) een plaetse uuten sijdore(n) van/ sijnder sale(n) te gane opde(n) gront aldair opde scaelgie staen(de)/ Welke plaetse soe die dair betekent is de voirs(creven) jan tsijne(n)/ laste met eene(n) muer sal doen afsluiten die reyse ende/ reyse? come(n) sal tot opden cant vand(en) voirs(creven) staldue(re)n naest/ den gront comen(de) ende welck(en) muer oic de voirs(creven) jan ende/ zijn naecomeli(n)g(en) tot eeuwigen dagen thue(re)n laste houde(n)/ sulle(n) Met worweerd(en) dat de voirs(creven) jan dille(n) en(de) sijn naecomeli(n)g(en)/ sulle(n) moege(n) bety(m)me(re)n de plaetse voer t(er) strate(n) vande(n) ancke(r)/ naest sijnder coken vinste(re)n in sijne(n) ghevel ter straten wert/ liggen(de) en(de) den voirs(creven) egge vand(er) porten svoirs(creven) daneels voirt/ ter strate(n) wert soe hoge alst hen gelieft ende dat de selve/ jan ende sijn naecomeli(n)g(en) inde(n) muer oft ghevel vand(er)
//
royer porten te jans sijde(n) wert sulle(n) moege(n) vare(n) ende hue(r)/ ty(m)meri(n)ge veste(n) met twee balken en(de) eene(n) strijchoute sonder/ meer Maer van daer ned(er)wert en selen de voirs(creven) jan noch/ sijn nacomeli(n)gen den voirs(creven) daneele noch sijne(n) nacomeli(n)g(en)/ besitte(re)n van sijne(n) voirs(creven) goede(n) gheen licht moegen bety(m)mere(n)/ ten wa(r)e alleenle aen svoirs(creven) daneels ghevel benede(n) [aende] dijle ter/ sijden wert svoirs(creven) jans dair inne de selve jan gelijc nae bescr(even)/ staet met sijnd(er) ty(m)meri(n)gen varen mach Met vorwerde(n) voort/ oick dat de voirs(creven) jan ende zijn nacomeli(n)gen acht(er) opde dijle/ t(er) sijde(n) van des voirs(creven) daneels erve in daneels ghevel ald(air) met/ sijne(n) balken vare(n) sal moegen ende dien gevel ende oic den/ muer vand(er) voirs(creven) royer porte(n) te jans zijden wert dair jan/ gelijc voer inne va(r)en mach sal de selve jan tot sijne(n) laste/ tot eeuwigen dagen houden sonder daneels oft zijnder/ naecomeli(n)gen last Item dat de voirs(creven) jan ende sijn erve/ voirs(creven) sal moete(n) leyden allet water van des voirs(creven) daneels/oft huyse(n) ende erve die hij dair behout comen(de) ende vallen(de)/ soe v(er)re dat aldair tot heer toe zijne(n) loop gehadt heeft/ Exposito imp(ositus) joh(ann)es dillen p(re)dict(us) p(er) et sat(isfacere) et war(andizare)/ sub uno denar(io) a(n)nui census curren(tis) tamq(uam) prout cor(am)/ rethemans moele(n) nove(m)br(is) xv