Opden inval en(de) calaengie bij janne van leeuwe voirtgestelt/ meynen(de) dat jan van ost als procur(eur) hee(re)n jans van dieve(n)/ priesters sijnder wed(er)p(ar)tie(n) niet sculdich en wae(r) ande(re)n dach/ te hebben om te leyden zijne ande(re) getuge(n) die nu absent/ wae(re)n en(de) niet geco(m)pareert en(de) dat de selve van ost nu/ nae dlesen vand(er) int(er)rogatorien en(de) exa(m)inere(n) vand(en) getuge(n)/ te spade quame ande(re)n dach te eysschen om sijne getuyge(n) absent/ zijnde te leyden ende dair toe ande(re)n dach te hebben te/ voirde(r) want al mocht jan van ost gep(rese)nteert hebben bij te bringe(n)
//
dat de selve sijne absente getuyge(n) van dage te dage met/ rechte gedaecht hadden geweest en(de) hij dair inne geco(n)senteert/ soe soude dat de voirs(creven) van ost hebben moeten doce(re)n voir en(de)/ eer hij zijne ande(re) getuge(n) p(rese)nt zijnde soude hebben doen/ examine(re)n oft met zijne(n) getuge(n) p(rese)nt zijnde voirt te vare(n)/ mair quame d(air) mede nu te spade Dair tege(n) de voirs(creven)/ van ost sustine(re)nde de contrarie en meynde niet dat hij/ d(air) inne alsoe gescape(n) oft verrascht soude zijn en(de) van sijne(n)/ thoene versteken dair hij gelijc vo(r)e p(rese)nteerde sijne diligen(cie)/ dair toe gedaen te hebben Es gewijst waer de voirs(creven)/ van ost can bijgebringe(n) dat zijne voirs(creven) absente getugen/ van dage te dage dair toe met rechte gedaecht hebben/ geweest dat dan de selve van ost dairtoe ande(re)n dach/ hebben sal cor(am) scab(inis) in sca(m)p(n)[o] nove(m)br(is) xxvii