Dairop heden voe(r) den rade vander stat come(n) zijn bauduyn henry/ meye(r) van meylhe(m) t(er) eender zijden en(de) goessen vande(n) speelhove(n)/ als p(ro)cur(eur) joffr(ouwen) alite(n) en(de) m(ar)griete(n) dierix gesuste(re)n no(n)nen p(ro)fessen/ inde(n) godsh(uyse) vand(en) wittev(rou)wen te loven(e) en(de) vranck de coste(re) t(er) ande(re)/ Ende deselve baud(uyn) gemeynt heeft dat alsulke(n) p(ra)me als de/ voirs(creven) p(er)sone(n) op hem hadden doen doen machteloes en(de) va(n) onw(er)d(en)/ was ende dat de voirs(creven) p(er)sone(n) gheene reden(en) en hadde(n) die op/ hem te doene te voirde(r) want hij alh(ier) come(n) was ten ontbinde(n)/ vande(n) borg(er)meest(er) om sake(n) der stat aengaen(de) Ende de wed(er)p(ar)tie/ meynde d(air)tege(n) met goede(n) reden(en) die p(ra)me gedae(n) te hebben(e)/ Want wat v(er)sueke met br(ieven) vand(er) stat hem als offici(er) tot/ meylhem tot hue(re)n v(er)volge ware(n) gecome(n) om leveringe van hue(re)n/ pande(n) en(de) goeden va(n) meylhe(m) te hebbe(n) d(air)op zij zeke(re) rinte(n) met scep(enen)
//
br(ieven) van loven(e) houden(de) ware(n) en(de) die hen nu wel va(n) viii oft ix/ ja(r)en ware(n) v(er)let en(de) d(air)af zij altijt d(air) te vo(r)en wel hadden betaelt/ geweest ov(er) xxx jair en(de) dage hij en hadde zoe vele niet/ gedae(n) dat hen volcome(n) leveringe van hue(re)n pande(n) oft oick/ execucie der selver wa(r)e geschiet mair hadde de selve baud(uyn)/ dat altijt selve belet en(de) hem d(air)tege(n) altijt p(ar)tijlijck gedrag(en)/ meer dan theerscap selve dien de panden toebehoirde(n) ende/ en wa(r)e bauduyn geweest zij ware(n) lange betaelt geweest/ soe wel als zij bij tijde(n) he(re)n bauduyns wile(n) van fontaynes/ altijd hadde(n) geweest en(de) dat meer was als was hij v(er)socht/ geweest henry jasp(ar) en(de) libeerde robbijns te bedwinge(n) hue(r)/ hande te lichte(n) van zeke(re)n goede(n) die zij houden(de) ware(n) ende/ die [soe] de rent(meeste)rs en(de) hue(r) p(ro)cur(eur) meynde(n) [dat] van hue(re)n onderpande(n) ware(n)/ en(de) oick vand(en) vrochte(n) vruchte(n) d(air)af gecome(n) en(de) dat hij voirt/ die t(er) p(ro)clamacie(n) stelle(n) en(de) ten hoochste(n) v(er)cope(n) soude soe en/ hadde hij dat oick niet gedae(n) noch wille(n) doe(n) al ten groote(n)/ hinde(r) en(de) acht(er)deele d(er) voirscr(even) jouffr(ouwen) en(de) vranx die des huers/ nootlijck ware(n) behoeven(de) Bij desen weygeringen en(de) v(er)trecke/ va(n) justicien en(de) meer ande(re)n reden(en) hoepten zij dat zij goede/ reden(en) hadde(n) den voirs(creven) bauduyne als meye(r) te p(ra)men Op dwelc/ bauduyn replice(re)nde dede segge(n) dat hij zijn debvoir hadde gedae(n)/ van eene(n) hoefken(en) met vii dach(mael) lants te meylhe(m) geleg(en) Mair/ vande(n) goede(n) die de voirs(creven) henry jasp(ar) en(de) libert robbijns houden(de)/ ware(n) die en soude me(n) niet bevi(n)den dat zij onderpant ware(n)/ de(n) voirs(creven) rent(meeste)rs nochtan hadde hij die gelev(er)t en(de) t(er) p(ro)cla(ma)[cien]/ gestelt t(er) v(er)sueke vand(er) stat dair nyema(n)t come(n) en was diese/ hadde wille(n) coope(n) oft aenveerde(n) en(de) alsoe en was in he(n) gheen/ gebreck geweest in dien Es ten uuyt(er)sten dese sake uutgestelt/ in state soe die nu steet totte(n) naeste(n) dage va(n) rechte nae ons(er) liev(er)/ v(rou)we(n) dach liechtmesse naestcomen(de) en(de) es den meye(re) geseecht/ hie(re)nbynne(n) soe vele te doen(e) bij alle(n) gevuechlike(n) wege(n) dat p(ar)tien/ mochte(n) worde(n) geco(n)tenteert en(de) de(n) rent(meeste)rs dat zij hen oick d(air)inne/ soe vuechlijck droege(n) dat d(air)af een mi(n)lijck beslicht moghe gebue(re)n en(de)/ in gebreke va(n) die(n) dat de voirs(creven) meye(r) ov(er) de goede d(er) vors(creven) he(n)ry/ jasp(ar) ende liberde navolgen(de) der stat versueke dexecucie dede
//
van rechte oft dat zij ten voirscr(even) dage d(air)af tege(n)/ de selve rent(meeste)rs oft hue(r) p(ro)cur(eur)s alhier quame(n) rechts/ plege(n) en(de) h(ier)op es de clachte opden meye(re) geschiet te nyeute/ gedaen en(de) quijt geschouwe(n) In cons(ilio) op(idi) decembr(is) xxii