Aldair h(er) jacop hee(re) van ghete h(er) henr(ic) ymbrechts p(ri)este(r) rintm(eeste)r/ m(ijns) he(re)n van rotselair en(de) claus va(n) eme(re)n diene(r) m(ijns) joncke(re)n van/ cuylenborch in rechte inde banck voir meye(r) en(de) scepen(en) va(n) lov(en)/ v(er)socht hebben wair willem lambrechts die hem als geleyt nae/ des(er) stat recht totte(n) goeden jans wijlen lambrechts zijns/ brueders hadde doen leve(re)n zeke(re) pe(n)ninge gecome(n) in hande(n)/ willems van buetsele weerts inde wildegans als oft die/ den selve(n) jannese hadden toebehoirt des zij hoepte(n) neen wa(n)t/ die d(air) ware(n) come(n) soe zijde(n) om voirts te bestelle(n) te camerijck inder/ lossinge(n) des voirs(creven) m(ijns) jonche(re)n va(n) cuylenborch en(de) des he(re)n va(n) rotselair/ in vranckrijke gevange(n) zijnde niet voirt en voe(re) en(de) aen en sprake/ dat de voirscr(even) hee(re) van ghete da quijt en(de) ontslagen soude zij(n) vand(er)/ borchtocht die hij voir dontslach vand(en) selve(n) pe(n)ninge(n) hadde gedae(n)/ en(de) dat den ande(re)n p(er)sone(n) de voirscr(even) pe(n)ninghe die tsame(n) gedroege(n)/ soe zij [seyde(n)] xl rinssche gulden(en) ombelet bliven soude en(de) wille(m) d(air)op/ met zijne(n) beleyde verdoelt wa(r)e nae tgroot int(er)est v(er)driet en(de)/ acht(er)deel dat d(air)aen gelege(n) den voirs(creven) jonch(e)r en(de) hee(re) die d(air)voe(r)/ gelijck vo(r)e gevangen saten en(de) dagelijx te zware(n) laste moeste(n)/ blive(n) sittende ende alreede naden voirscr(even) belette bij willem(me) op/ die pe(n)ninge gedaen geseten hadden hopen(de) dat dat schuldich/ wa(r)e te geschieden(e) hen des getroesten(de) totten rechte Dair tegen/ willem nae dat hij hadde hoire(n) lesen een cedulle va(n) eene(n) deele/ bijst(er)mons en(de) ande(re)n pe(n)ningen bijder wed(er)p(ar)tien geexhibeert/ gedrag(en) ter so(m)men van x rinssche gulden(en) onder de voirscr(even)/ xl rinssche gulden(en) mede ge(re)kent ov(er)gaf dat hij te vreden/ wae(r) dat die rinssche gulden(en) d(er) selver wederp(ar)tien volchden/ en(de) dede d(air)af zijn hande Mair aengaen(de) de(n) ande(re)n pe(n)ni(n)ghen/ p(rese)nteerde hij zijn recht ter stont voirt te stelle(n) en(de) aen te spreke(n)/ op datme(n) hem d(air)toe dach van thoene(n) kynne(n) woude oft(er) thoe(n)/ inne viele want nu wae(r) m(ijns) gened(ichs) he(re)n vry jairgedinghe/ Tegen dwelck de voirscr(even) wederp(ar)tie ov(er)gaff eve(n) v(er)re willem/ voe(r) de coste(n) va(n) rechte h(ier)uuyt gebue(re)nde caucie stelde d(air) voe(r)
//
genoech zijnde dat zij d(air)mede te vreden wae(re)n mair and(er)s/ hoepten zij dat hij ter stont sculdich soude zijn voirt te/ varen oft hen soude werden hue(r) voirs(creven) (con)clusie en(de) de voirs(creven)/ willem en soude gheene(n) ande(re)n thoendach hebbe(n) nae gelege(n)th(eit)/ der saken den voirscr(even) willem(me) sustine(re)nde de (contra)rie soe/ v(er)re dat scepen(en) van loven(e) inder sake(n) gemaent gewijst/ hebbe(n) met vo(n)nisse gelieft willem(me) met zijne(n) scepen(en)/ br(ieven) voirt te vare(n) op dese pe(n)ninge dat hij acht(er)volgen(de) den/ ov(er)geve(n) van p(ar)tien caucie stelle(n) sal en(de) d(air)entenden recht cor(am)/ berthe(m) rethema(n)s berct mole(n) januarii xi