Vander questien geport inde banck voir meye(r) ende scepen(en) van/ loeven(e) tussche(n) pete(re)n vander most en(de) gielijse van cole(n) t(er) eender/ zijden ende d(er) weduwen jans wijlen ouderogge t(er) andere Ald(air)/ de voirscreve(n) peter ende gielijs dede segge(n) hoe dat zij/ in voirleden(en) tijde borge(n) ware(n) bleve(n) voe(r) den voirscreven(en)/ wijlen janne ouderogghe voe(r) acht rijders erfflijck en(de) dat/ zij in voirleden(en) tijden ov(er)mids der selver borchtocht ontboden/ hebbe(n) voe(r) de selve stadt de voirscr(even) weduwe om vander/ selver borchtocht gelost te worde(n) en(de) dat zij aldair in/ p(rese)ncien vander stat toeseyt en(de) geloefde den voirscr(even) twee/ p(er)sonen te lossen(e) vander borchtocht vander voirscr(even) acht rijders/ erflijck Dair voe(r) de selve pet(er) en(de) gielijs voirs(creven) borghen/ staen aen jacoppe scholier en(de) zijne(n) kinde(re)n hen des gedragen(de)/ tot e(n)nigen p(er)sonen vanden selve(n) rade en(de) oick ande(re)n die/ dair bij geweest hebbe(n) Aldair tegen de voirscr(even) weduwe/ sustine(re)nde de contrarie hoepte ende meynde datmen dat/ alsoe niet bevi(n)den en soude mair dede seggen dat zij wae(r) de/ ghene die de selve borgen altijt hueden woude van schade(n)/ ende lasten vander selver borchtocht Ende wae(r) bereet hen/ te lossen(e) nae inhoudt vanden principale(n) brieve(n) oft gelijck/ dat bevorwert mocht zijn ten tijde doen pet(er) en(de) gielijs voirs(creven)/ die gelueften deden en(de) nae inhoudt vanden br(ieven) ap(ar)t ende/ anders niet Mair zij en wist niet van e(n)nigen toeseggen(en)/ oft oick van e(n)nigen tijde d(air)inne zij huer v(er)obligeert soude/ hebbe(n) om de selve te lossen(e) Sustine(re)nde alsoe dat zij vand(er)/ voirscr(even) aenspraken ongehouden soude zijn Ende alsoe/ dbescheyt vanden voirs(creven) aenlegge(re)n d(air)toe zijs hen gedroege(n)/ aengehoirt zijnde en(de) d(air)op gelet es gewesen bijden selve(n)/ scepen(en) ter manissen smeyers dat de wed(uwe) voirscr(even) ongehouden/ sal zijn vand(er) ae(n)spraken aengaen(de) d(er) gelueften mair oft hen gelieft/ and(er)s d(er) voirscr(even) wed(uwe) yet te eyschen(e) dat zij dat doen moege(n) met/ rechte In scampno januar(ii) xi