Vande(n) gedinge dat geweest heeft inde banck voir meye(r) en(de)/ scepen(en) van loven(e) tusschen willem(me) lambrechts als geleyt/ nae des(er) stat recht totten goeden wout(er)s wile(n) vynck t(er) eend(er)/ en(de) arnden de greve v(er)weerde(r) t(er) ande(re) Om een huys ende/ hoff met zijne(n) toebehoirte(n) geleg(en) te bierbeke t(er) plaetsen
//
geheete(n) opten nauv tussche(n) den selve(n) nauv ter eend(er) zijde(n)/ des p(ri)oers v(er)o lande van bierbeke ter ande(re) en(de) beyde die strate(n)/ die vande(n) nauwe te bierbeke weert gae(n) in dande(r) twee/ zijde(n) Welke goede de voirscr(even) willem met zijne(n) beleyde/ voirscr(even) aensprack seggen(de) bij div(er)sen reden(en) bij hem geallig(eer)t/ die hij p(rese)nteerde te thoene(n) dat hem en(de) zijne(n) beleyde die/ goede schuldich ware(n) te volgen om d(air)aen te v(er)hale(n) zijne/ wettige gebreken die hij p(rese)nteerde bij eede te ve(r)ifice(re)n/ Dair tegen de voirscr(even) arnt hem v(er)antweerden(de) dede lesen/ twee brieve(n) den eene(n) d(air)mede die va(n) vileer onlanx lede(n)/ voir hue(re)n grontchijs de voirscr(even) goeden hadden doe(n) uuytdage(n)/ met hue(re)n meye(r) en(de) late(n) t(er) plaetsen va(n) bierbeke voirs(creven) En(de)/ den ande(re)n d(air)mede de voirs(creven) arnt voirt dien navolgen(de) inde/ voirscr(even) goede gegoidt es voe(r) de(n) selve(n) meye(r) en(de) laten ende/ alle beyde bezegelt mette(n) scepen(en) gemeyne(n) segele van/ bierbeke ter beden der selver late(n) en(de) d(air)entenden sustineerde/ hij mids den inhouden van dien brieve(n) en(de) bij meer ande(re)n/ pointe(n) bij hem geallig(eer)t die hij in feyte van thoene/ bijleyt de contrarie van des voirscr(even) willems conclusien/ Soe v(er)re dat beyde p(ar)tien thoen D(air) zij bij scepen(en) vo(n)nisse/ toegewijst waren aengehoirt ende alle reproche(n) ende/ salvacien inder sake(n) t(er) eender ende t(er) ande(r) zijden gesciet/ zijn Aldair uuyt(er)lijck de scepen(en) inder saken vand(en) meye(r)/ gemaent gewijst hebbe(n) met vo(n)nisse dat de voirs(creven) wille(m)/ met zijne(n) beleyde verdoelt es opde goede d(air) questie af es/ In scampno cor(am) scab(inis) vide(licet) berthem duffle rethema(n)s berct/ moele(n) januar(ii) xx