Vanden gedinge dat inde banck voir meye(r) ende scepen(en) van/ loven(e) [es] geweest tusschen he(re)n janne van dyeve(n) p(ri)este(r) als/ geleyt totten goeden jans van leeuwe oft janne va(n) ost als/ zijne(n) procur(eur) ter eender zijden en(de) den voirs(creven) ja(n)ne va(n) leeuwe/ t(er) ande(re) dair de voirscr(even) h(er) jan oft zijn p(ro)cur(eur) de goede des voirs(creven)/ jans aensprack vand(er) lossinge(n) vand(en) acht(er)stellige(n) rinte(n) va(n) drie/ jae(re)n der twee saluyte(n) tsjaers erfflijck die de voirscr(even) h(er) jan als/ principael jan van leeuwe wille(m) va(n) dyeve(n) wout(er) va(n) wese(n)beke/ en(de) everart va(n) grymde als zijn borge(n) bekinden voe(r) scepen(en)/ va(n) loeven(e) jacoppe va(n) raveschote a(n)no lxiii maii xx ende/ dewelke drie jairrinte(n) de voirs(creven) wille(m) van dyeve(n) als borge/ voirscr(even) hadde moete(n) betale(n) en(de) d(air)voe(r) voirt op hem hadde/ geprocedeert voir tgheestelijke gerichte soe v(er)re dat de/ selve h(er) jan d(air)inne vo(n)nislijck was geconda(m)pneert bove(n) dien/ nochtan dat d(air) te vo(r)en de voirscr(even) jan va(n) leeuwe de lasten/ d(er) selver ii saluyte(n) erflijck te hemw(eer)t hadden genome(n)/ hem d(air)af principael gemaect ende den selve(n) he(re)n janne/ geloeft hadde d(air)aff allessins tontheffe(n) voir tgebreck/ vande(n) welke(n) en(de) mids den reden(en) voirscr(even) hij he(m) hadde/ doen leyden tot desselfs jans goeden p(rese)nte(re)nde alle pointe(n)/ te thoene(n) Hopen(de) wair hij dat conste gedoen dat he(m) de/ voirscr(even) goede des voirscr(even) jans volge(n) soude(n) om d(air)aen te
//
v(er)halen de selve gebreken en(de) lasten die hem voe(r) des voirs(creven)/ steet toequame(n) te voirde(re) want hij ja(n)ne va(n) leeuwe ae(n)gesie(n)/ hadde als hij va(n) willem(me) te rechte betoge(n) was dat hij hem/ dat hadde come(n) hulpe(n) v(er)antw(eer)den des jan niet en hadde/ gedae(n) Dair tegen jan yerst v(er)socht declaracie en(de) specif(icaci)[e]/ vande(n) jae(re)n d(air)af hij de voirscr(even) iii jairrinte(n) eyschte op dwelck/ bij voirgaen(de) vo(n)nisse van scepen(en) hij v(er)claerde dat was/ van drie jae(re)n tussche(n) den jae(re) va(n) lxix en(de) lxxv En(de)/ d(air)entenden dede hij segge(n) onder den ande(re)n dat hij ontkinde/ he(re)n jans? v(er)met en(de) voirts dat voirmaels de voirs(creven) wille(m)/ en(de) hij in questien hadde(n) geweest voe(r) de banck te rotselair/ en(de) oick voir meye(r) ende scepen(en) va(n) loven(e) dair willem/ seyde xiiii saluyten van vii jairrinte(n) voir janne betaelt/ te hebben zeder dat die rinten te zijne(n) laste hadde(n) gestae(n)/ aende weduwe van raveschote dwelck hij tot gheender/ plaetsen en conste bij gebringen voirde(r) dan van drie jae(re)n/ en(de) de selve jan p(rese)nteerde te bewijse(n) den voirscr(even) willem(me)/ die drie jair rinten gecort te hebbe(n) aende xxvii r(inssche) g(ulden)/ die willem bekint hadde hem van biere op kernen/ gehaelt sculdich te zijne ende de selve willem d(air)aff/ vo(n)nislijck vellich bevonden was welke pointen de/ voirscr(even) jan p(rese)nteerde te bewijse(n) hopen(de) wair hij dat/ conste gedoen dat hij ende zijn goede d(er) aenspraken/ ongehouden soude(n) zijn en(de) al mocht h(er) jan hem aensocht/ hebbe(n) dat hij hem quame hulpe(n) v(er)antweerden de sake/ tegen willem(me) dat en was hem gheen noot want hij/ wael wist mids den voirscr(even) twee gedinge(n) d(air) willem/ zijn beste hadde gedaen dat de selve wille(m) niet en soude/ hebbe(n) come(n) bewijse(n) meer voir hem dan de voirs(creven) drie/ jairrinte(n) betaelt te hebbe(n) en(de) al mocht hij voirdere/ gepraemt hebbe(n) geweest oft meer betaelt hebbe(n) dat/ en conste tsijne(n) laste niet gescien want dat mocht/ zijn van rinten gevalle(n) eer hij den last van dien
//
hadde aengenome(n) op welke replike ende duplike thoen/ reprochen ende salvacien in wederzijden zijn gesciet en(de) geleyt/ dair h(er) jan zijns v(er)mets niet volcomelijck en is gecomen/ Mair jan volqua(m) zijns v(er)mets bezundert int ghene dat/ hij met rechte geduempt was willem(me) die iii jairrinten/ te voldoene Soe v(er)re dat scepen(en) uuyt(er)lijck gemae(n)t/ vo(n)nislijck hebbe(n) gewijst dat de voirscr(even) jan en(de) zijn goede/ vand(er) aensprake(n) sulle(n) zijn ongehouden cor(am) om(n)ibus scabinis/ In scampno januar(ii) xxii