Vander ae(n)sprake(n) die willem wants gedae(n) heeft op goirde laureys/ van zeke(re)n haeflijken goeden va(n) smede cole(n) en(de) yse(r) die de voirs(creven) goirt/ he(re) willem(me) wants toebehoiren(de) hadde ae(n)veert en(de) gehadt zond(er)/ zijne(n) wille oft consent en(de) gecocht tege(n) eene(n) vrancke(n) va(n) bolloe/ zwag(er) svoirs(creven) willems die des gheen procu(r)acie oft macht en/ hadde gehadt te v(er)coope(n) Welck aenveerde(n) de voirs(creven) ae(n)legge(r) p(rese)nterde/ te bewijse(n) oft hem ontkint worde d(air)af hij restitucie beg(er)de D(air)/ tege(n) goird hem v(er)antw(er)den(de) kinde genoech dat hij die also gecocht/ hadde tege(n) den voirs(creven) va(n) bolloe als den ghene(n) die doen den voirs(creven)/ willem(me) ze(re) qualijck zijnsselfs zijnde hadde te besorge(n) en(de) hem/ d(air)mede te sustente(re)n mair seyde dat de voirs(creven) wille(m) en(de) vrancke/ va(n) bolloe onder hanteringe(n) wille die de selve vranck va(n) wille(m)s/ zijns zwag(er)s goede(n) hadde gehadt bij ordinan(cie) vand(en) co(m)moingem(ee)st(er)/ va(n) mechele(n) ware(n) gestelt in goede mans die p(ar)tien in al hadden
//
verleken ende v(er)enicht soe v(er)re dat vrancke restitue(re)n soude den/ voirs(creven) willem(me) de haeflijke goede die hij noch onderhadde op dat/ hij noch e(n)nige onderhadde en(de) voirt dat zij malcande(re)n d(air)af niet/ eyssche(n) en souden elc den ande(re)n d(air)af quite(re)n ende dat sunderlinge/ wille(m) wants ald(air) hadde gelooft vrancken sijne(n) swage(r) sijn goede/ noch oick den ghene(n) dien hij de haeflike goede vercocht hadde/ ne(m)me(r)meer om der selver haefliker goede wille meer moyen noch/ quellen en soude mair soude hem die peyslic en(de) vredelijc late(n)/ volge(n) ende gebruyken Dat voirt nae desen willem weder te/ haecht vrancx goede hadde doen raste(re)n en(de) als vrancke c(er)tifica(ci)[e]/ uuter stad van mechlen hadde bracht hoe willem vand(er) actie(n) dair/ o(m)me hij trastement hadde doen doen te vreden gestelt was/ geweest soe was wille(m) ald(air) voir wethouders van haecht te/ vrede(n) van dien ende geloofde dat gestentich te houden scelden(de)/ onder dien schijn oic quite gorde laur(eys) voirs(creven) vand(en) haefliken goede(n)/ dair nu questie af is Dese en(de) meer ande(re) pointe(n) p(rese)nteerde hij te/ bewijsen dair toe de voirs(creven) gord geadmitteert is die sijns vermeets/ volcomen is soe verre dat uut(er)lijc scepen(en) van loeven(e) ter maniss(en)/ smeyers gewijst hebben met vo(n)nisse dat de selve gord lauwereys/ der voirs(creven) aenspraken sal zijn ongehouden cor(am) scab(inis) in sca(m)p(n)[o]/ m(ar)cii vii