Want jouffr(ouwe) katlijne weduwe henricx wilen vanden borchove(n)/ als geleyt nae des(er) stad recht voir huer wettich gebreck/ tot allen den goeden have en(de) erve jans wilen vand(en) borne/ natuerlijcx soe waer die gelege(n) zijn met des(er) stad br(ieven) gescr(even) aen/ den meye(r) van sichene(n) oft zijne(n) stedehoude(r) te miskem huer/ oft den bringe(r) ons(er) voirs(creven) br(ieve) heeft doen leve(re)n alle de voirs(creven) goede/ en(de) dach van rechte doen besceyde(n) de weduwe en(de) kinde(re)n des/ voirs(creven) wile(n) jans oft zij hen dair tegen hadden wille(n) oppone(re)n/ te weten(e) op hede(n) ald(air) zij noch gheen van hen come(n) en zijn/ noch niemant anders van hue(re)n wegen hen rechtsweert maken(de)/ de voirs(creven) wed(uwe) co(m)pare(re)nde en(de) trecht voirt versueken(de) Soe hebben/ de hee(re)n scepen(en) van loeven(e) ter manissen smeyers gewesen voir/ een vo(n)nisse nae dat hen behoirlijc gebleken is bij rapporte/ wouters van boenrode des(er) stad bode de voirs(creven) leveringe ende/ dachbesceydinge geschiet te zijne dat men de voirs(creven) weduwe/ vand(en) voirs(creven) goeden houden soude inde macht van hue(re)n beleyde/ scepen(en) br(ieven) en(de) leveringen voirs(creven) alsoe verre alst noch voir hen/ come(n) is In sca(m)p(n)[o] m(ar)cii xviii