Nae dat henr(ic) scollen geprocedeert en(de) vervolcht heeft met drie/ behoirliken rasteme(n)ten op seke(re) sculde(n) oft pe(n)ningen toebehoe(re)nde/ woute(re)n de wreede van s(in)[t] aechte(n) rode aen de vrouwe sclercx/ inde broecstrate die soe henr(ic) meynde den voirs(creven) woute(re)n die/ sculdich was en(de) henr(ic) vanden selve(n) rasteme(n)ten en(de) conden/ behoirlic heeft doen bliken met ja(n)ne berain en(de) ja(n)ne trouwants/ vorste(re)n in des(er) stad en(de) voirt sijn scult die he(m) de voirs(creven) wout(er) deugdelic/ sculdich is geverificeert op thien ryns guld(en) en(de) al bij voirgaen(de)/ vo(n)nisse van scepen(en) van loeven(e) Soe hebben de scepen(en) va(n) loe(ve)n/ ter manissen smeyers gewijst voir een vo(n)nisse dat henr(ic) voirs(creven)/ sijne geclaerde scult aen de voirs(creven) beco(m)merde pe(n)ninge volgen soude/ cor(am) om(n)ib[(us)] scab(inis) In sca(m)p(n)[o] dempt(is) borch(oven) reth(eman) m(ar)cii xxi