Nae dat geldolf va(n) wynde geheete(n) vander linden met brieve(n)/ vander stat gescr(even) aenden meye(r) en(de) scepen(en) van nederlinthe(r) heeft/ doe(n) sluyten de banck va(n) nederlinthe(r) vande(n) v(er)volge dat jan van/ baussele ald(air) dede op willem(me) de hane voir zeke(re) weyhue(re) om dat/ de selve geldolf en(de) jan va(n) baussele hen tande(re)n tijde(n) voir scepen(en)/ va(n) loven(e) v(er)bonde(n) hadden inden stadhoude(r) en(de) ma(n)nen va(n) leene/ ons gened(ichs) he(re)n tshertoge(n) va(n) zeke(re)n diffe(re)ncien aengaen(de) tghene/ d(air)uuyt de voirscr(even) hue(r) spruyten(de) qua(m) Met oppos(itien) ind(en) selve(n) br(ieven)/ v(er)cleert d(air)af den dach op heden diende Sijn come(n) voe(r) den/ rade vander stat de voirs(creven) jan t(er) eend(er) en(de) geldolf t(er) andere/ Ald(air) de selve jan opdede dat hij vand(en) hue(re)n van zeke(re)n lee(n)goede(n)/ op welke leengoede de voirs(creven) submissie sprake en(de) niet opde/ hue(r) in recht stont te ned(er)linthe(r) voirs(creven) tege(n) den voirscr(even)/ willem(me) de hane D(air) zoe v(er)re met rechte inne geprocedeert/ was dat aensprake en(de) v(er)antw(er)den van p(ar)tien ware(n) gesciet/ ende de voirscr(even) jan stont op zijne(n) thoen en(de) hadde om dien te/ leyde(n) van loven(e) en(de) elswair aldair doen come(n) zeke(re) zijn/ getuyge(n) die he(m) totten zijne(n) v(er)mete diende(n) soe hij meynde/ en(de) zijn wijf wijle(n) was erfgename geweest vand(en) voirscr(even)/ leengoeden die d(air)uuyt was gestorve(n) en(de) hij was die bleve(n)/ besitten(de) en(de) noch d(air)aff in possessien dwelck oft d(air)op stont/ des neen hij wel bewarden soude hoopte d(air)om dat geldolf/ die hem d(air)aff alh(ier) hadde moege(n) porre(n) want zij beyde ingeseten(en)/ zijn verdoelt wae(r) met zijne(n) voirtstelle en(de) dat hij zijn/ recht voirt vorde(re)n soude moege(n) t(er) voirs(creven) plaetsen niet/ tegenstaen(de) den voirs(creven) br(ieven) t(er) (contra)rien Dair tegen geldolf
//
sustine(re)nde de contrarie zonder nochta(n) e(n)nige reden(en) d(air)/ toe te seggen(e) die hem dair toe in rechte conste(n) gediene(n)/ Es uuyt(er)lijck met rechte en(de) t(er)mi(n)acien vand(er) stat p(ar)tie(n)/ int lange gehoirt die sake van des voirs(creven) jans v(er)volghe/ gere(n)voyeert t(er) voirscr(even) plaetse(n) va(n) ned(er)lynthe(r) d(air) hij gelijck/ vo(r)e in aensprake en(de) v(er)antw(er)den en(de) totten thoene come(n) es En(de)/ nae dat geldolf doen opdede dat hij dan sond(er) opsien zij(n)/ behulp in desen saeke(n) mochte te bruessel oft elswair dairt/ hem gebue(re)n mochte D(air)op wert hem gecleert hij was/ wijs ende vroet hij wist wel wat hij hadde te doene/ bezundert soe v(er)re het des(er) questie(n) d(air) dese t(er)mi(n)acie op sprect/ aengaet en(de) zoe v(er)re hij d(air)enbove(n) yet attempteerde d(air)op/ soude de stat v(er)sien alsoe behoire(n) soude Ende h(ier)nae heeft/ jan gheeyscht de coste(n) die hij bij den voirscr(even) sluyte(n) der/ banck beyde aen zijn getuygen die d(air) te v(er)gheefs come(n)/ ware(n) en(de) mette(n) br(ieven) geschiet werde(n) en(de) ande(re) Hopen(de) dat he(m)/ geldolf die sculdich soude zij(n) uuyt te reycken te voirde(r)/ want al wont jan de sake tegen willem(me) hij en soude/ die opde(n) selve(n) willem(me) niet come(n) v(er)hale(n) geldolve(n) de/(contra)rie houden(de) zoe v(er)re dat bij ov(er)drage vand(er) stat gesegt/ w(er)t dat die berusten soude(n) totte(n) ynde vand(en) beslichte d(er)/ saken tegen willem(me) voirscr(even) In cons(ilio) op(idi) m(ar)cii xxii