Item de submissie geschiet xxvii in meerte lestleden/ tussche(n) h(er) ja(n)ne van dyeve(n) p(ri)este(r) renu(n)cie(re)nde en(de) symoene/ va(n) wesenbeke t(er) eender en(de) ja(n)ne va(n) leeuwe t(er) ande(r)/ zijden Es gecontinueert geprolongeert en(de) verlingt/ bijde(n) voirscr(even) symone voe(r) hem selve(n) en(de) oick va(n) wege(n)/ he(re)n jans van dyeve(n) p(ri)esters voirs(creven) nu absent zijnde/ den welke(n) hij h(ier) inne geloeft heeft te vervanghen/ t(er) eender en(de) ja(n)ne va(n) leeuwe t(er) ande(re) In alle d(er) mate(n)/ en(de) op alle de pene(n) verbonden vuege(n) condicien ende/ geluefte(n) die sprect tot va(n) in sondage xxviii maii/ naestcomen(de) over xiiii nacht om d(air)enbynne(n) te doen(e) en(de)/ te p(ro)duce(re)n Des vand(er) eender oft ande(r) zijden gebreken/ mach zonder meer uuytstels en(de) voirt d(air)entussche(n) duytsp(ra)ke/ inder sake(n) te geschien bijden segg(er)s oft zijs eens zijn oft in/ gebreke va(n) dien goetstijts alle gescrifte(n) cleernisse(n) waerh(eit) en(de)/ p(ro)ductie(n) t(er) eend(er) oft ande(r) zijden ov(er)gegeve(n) en(de) gedaen en(de) des/ voe(r) de segge(r)s gecome(n) es oft alnoch come(n) sal zond(er) meer/ v(er)trexs te bringe(n) en(de) over te geve(n) den scepen(en) va(n) loven(e) om/ d(air)aff een vo(n)nisse te hebben(e) om den wijn Promitt(entes) ratu(m)/ d(i)c(t)e p(ar)tes prout in submiss(ien) bove(n) de gelueft(en) ind(en) voirsubmiss(ien)/ begrepe(n) die zij alh(ier) ge(re)noveert hebben Ende de segg(er)s/ hebbe(n) wed(er) aengenome(n) en(de) geloeft renu(n)c(iantes) inq(uan)tu(m) die/ uuytsprake alsoe goetijts te doen(e) op dat zijs eens zijn/ oft in gebreke van dien alle gescrifte(n) p(ro)ductie(n) cleerniss(en) en(de)/ des da(ir) voir hen come(n) es oft noch come(n) sal de(n) scepen(en) va(n)/ loven(e) om d(air)af geleert tezijne voir dov(er)gaen va(n) des(en) tijde/ ov(er) te geve(n) alsoe dat de submissie d(air) bij niet uuyt en splijte/ noch en expire(re) cor(am) duffle berct maii xxiiii