It(em) jan blanckaert in p(rese)ncia heeft belieft ov(er)gegeve(n) en(de) gewillecoirt/ arnden vander berct zijne(n) gebue(r) dat hij sal moeghe(n) legghe(n)/ van gracien wegen ende niet van rechts wegen eene(n) balck/ eene(n) halve(n) kareel diepe met zeke(re)n rijkelen en(de) eene(n) worm/ inden ghevel des voirs(creven) jans staen(de) t(er) scaelgien weert des/ voirscr(even) arnts tussche(n) hue(re)r beyder erve inden wierinck geleg(en)/ zonder den selve(n) ghevel voirde(r) te belasten(e) nu oft in/ toecomend(e) tijden met e(n)nigen ande(re)n ty(m)meringen Ende es/ bevorwert oft gebuerde dat in toecomen(de) tijde(n) de(n) selve(n) gevel/ crincte oft hem selve(n) sochte als dat dair schade oft/ ongherieff aff gebue(re)n mochte ten ongherieve vande(n) huyse/ en(de) ty(m)meringen des voirs(creven) jans uuyt ocsuyne en(de) t(er) cause(n)/ van des(en) belastinge(n) die de selve jan arnde vander berct/ voirscr(even) belieft d(air) inne te laten(e) In dien gevalle soe/ heeft arndt voirscr(even) voe(r) hem en(de) zijne(n) nacomeling(en) geloeft/ dat hij de(n) selve(n) gevel sal doe(n) repare(re)n wel en(de) loflijck
//
sonder dat jan blanckairt oft zijn nacomeling(en) dair e(n)nig(en)/ cost oft last aff hebben oft dragen sulle(n) Ende dese/ pointen hebben zij malcande(re)n belieft en(de) toegeseyt voe(r)/ he(n) en(de) hue(re)n nacomelingen goet vast en(de) gestentich te/ houden(e) tot eeuwige(n) dagen zond(er) argelist cor(am) reth(eman)/ moele(n) scabinis junii s(e)c(un)da