It(em) jouffr(ouwe) jehanne amelen ende johanne bloems als kercmeestersse(n)/ vand(en) grooten beghijnhove te loeven(en) in p(rese)ncia hebben gekint/ en(de) gelijdt dat hen tot behoef der voirscr(even) kercken bij gabriele/ ofhuys afgecocht zijn ende vernuecht met ghereeden pe(n)ning(en)/ die twee ryns guld(en) erflijc die men plach te betalen hee(re)n/ clase lobbele prieste(r) als dair op geassigneert sijnde van sijne(n)/ loone van seke(re)n missen die hij in sijne(n) tide int voirs(creven) beghijnhoff/ dede en(de) de voirs(creven) vand(en) beghijnhove hadden ende houden(de) wae(re)n/ bij ghiften van ouden tiden sond(er) brieve oft bescheyt d(aer)af/ te hebben aen ende op thuys ende hoff mette(n) toebehoirten/ desselfs gabriels gelege(n) neven den putte inde hoolstrate tussche(n)/ de goede meest(er) jans wynckels ter eend(er) en(de) gerardi doys ter/ ande(r) zijden Welcke twee ryns guld(en) erflijc de voirs(creven) gabriel/ gesedt hadde als voir co(m)mer onder meer ande(r) co(m)me(re)n op thuys/ ende den hoff mette(n) toebehoirte(n) dat hij hee(re)n ja(n)ne de grove/ prieste(r) erflijc uutgegeve(n) heeft gelege(n) inde voirs(creven) hoelstrate/ d(air) de selve her jan inne woond meynen(de) dat die dair uut/ hadden gegaen Scelden(de) dair af volcomelijc quite den/ voirs(creven) gabriele zijn goede ende alle ande(re) des quitan(cien) behoeven(de)/ promitt(entes) null(atenus) alloqui sed war(andizare) Transporte(re)nde den/ selve(n) gabriele de selve twee r(yns) guld(en) erflijc en(de) allet/ recht dat de kercke dair aen hadde oft hebben mocht/ in e(n)niger manie(re)n Verclarende de selve jouffrouwen/ dat de pe(n)ninge vand(en) afcoepe van desen gecomen met/ meer ande(re)n pe(n)ningen wederom bestaedt en(de) aengeleet/ zijn inder voirs(creven) kercken orbore ende proffite soe dat/ bliken sal inder rekeni(n)gen vand(en) kercken goeden vand(en)/ jae(re) van achtendetseventich cor(am) berthem moelen aug(usti)/ v[ta]