Want jan cleynvranx ende weyn zijn sone hen oft den eenen van hen/ beide als geleit na des(er) stat recht hadden d tot allen den goeden have/ en(de) erve jans van braemt wair die geleg(en) zijn met brieve(n) vander/ stat gescr(ev)en aenden meye(r) van cumptich oft sijnen stedehoude(r) te bincke(m)/ hadde(n) doen leve(re)n alle de selve goede en(de) dach van rechte doen bescheide(n)/ der voirs(creven) p(ar)tien op heden als ten verstreken(en) daige van rechte dienen(de)/ aldair de selve van braemt [noch] nyema(n)t van sijne(n) wegen ge(com)pareert [en] es/ den voirs(creven) janne cleynvranx trecht voirt versueken(de) Soe hebben de/ scepen(en) van loven(en) ter maniss(en) smeyers gewijst voir een vo(n)nisse nae dat/ hen behoirlic heeft gebleken bij rescripte jans fobelet vorst(er)s in/ bincke(m) de voirs(creven) leve(r)inge en(de) dachbescheidinge behoirlic gesciet te/ zijne datmen de voirs(creven) geleidde vand(en) voirs(creven) goeden wair de wed(er)/ p(ar)tie nyet en q(ua)me te(n) opstaene smeyers en(de) der scepen(en) houde(n) soude/ inde macht van hue(re)n beleide zoe v(er)re dat noch voir scepen(en) come(n)/ es cor(am) o(mn)ib(us) scab(in)is in scampno dempto duffle aug(usti) xix