Want h(er) jacop vanden breyne prieste(r) hem oft wo als geleit nae/ des(er) stat recht tot allen den goede(n) have en(de) erve gheerts van gheer/ berghen geheete(n) ty(m)mermans symoens en(de) henrix de smet gebrued(er)s/ henrix vanden goedenhuys en(de) henrix der kinde(re)n he wair die geleg(en)/ zijn oft bevonden mochte(n) wordde(n) hem oft wout(ere)n van boenrode de stat/ bode in sijne(n) name met brieve(n) vand(er) stat gescr(ev)en aende(n) meye(r) van/ halen oft sijne(n) stedehoude(r) ter nuw(er)capellen hadde doen leve(re)n alle de/ selve goede en(de) dach van rechte bescheiden allen den voirs(creven) p(er)sone(n)/ oft zij hen d(aer) tege(n) hadden willen oppone(re)n welke(n) dach op hede(n) alse/ ten ge(con)tinueerde(n) en(de) verstreken(en) dage van rechte diende Aldair gheen/ van hen oft yema(n)t van hue(re)n wegen ge(com)pareert en es den voirscr(even)/ geleidde(n) trecht voort versueken(de) Soe hebben de scepen(en) van loven(en)/ ter maniss(en) smeyers nae dat hen bij rapporte des vors(creven) wout(er)s behoirlic/ heeft geblek(en) de vors(creven) leve(ri)nge en(de) dachbescheidinge gesciet te sijne/ gewesen voir een vo(n)nisse wair de vors(creven) p(er)sone(n) oft yema(n)t van hue(re)n/ wege(n) en (com)pareerde(n) ten opstane smeyers en(de) des van hen datme(n)/ den vors(creven) geleidde(n) vand(en) vors(creven) goede(n) houde(n) soude inde macht van/ hue(re)n voirs(creven) beleide soe v(er)re dat noch voir scepen(en) come(n) es cor(am) eisd(em)