Dair in rechte comen es inde banck voir meye(r) ende scepen(en)/ van loven(en) henr(ic) sceymans als procur(eur) everarts de pape en(de)/ dede lesen eene(n) scepen(en) br(ieve) van loven(en) d(air)mede peter wijlen/ van sinte pet(er)s behielt a(n)no xiiii[c] xx m(ar)cii xiii vier scellinge/ en(de) vier pe(n)ni(n)ge outs chijs te kersmesse te betale(n) aen en(de) op/ een vie(re)ndeel wijng(ar)ts luttel min oft meer gelege(n) op ten ouden/ kesselberch te dier tijt tussche(n) de wijng(ar)de henr(ix) reers va(n) putte/ en(de) een vie(re)ndeel wijng(ar)ts dat henr(ic) boys d(air)naest liggen(de) hadde/ welck vierdel wijng(ar)ts de voirs(creven) henr(ic) boys op trecht dat/ tgodsh(uys) va(n) vlierbeke d(air)aen hadde en(de) voirt opde(n) voirs(creven) chijs vande(n)/ voirs(creven) pete(re)n nam en(de) gelesen zijnde dede hij segge(n) hoe meester
//
jan van raveschote nu ter tijt besitte(r) vande(n) voirscr(even) onderpande/ om he(m) zijn vervolch opden onderpant te schutte(n) gesedt hadde/ onder de wet xiii(½) st(uvers) voir tv(er)loop va(n) drie jae(re)n in handen/ henr(ix) vande(n) speelhove(n) en(de) hij de(n) selve(n) meest(er) janne dach/ hadde doe(n) doen om vande(n) saken een ynde te make(n) soe en/ wae(r) hij nochta(n) niet gecompareert en(de) p(rese)nteerde oft hij q(ua)me/ zijn sake actie en(de) recht in die(n) voirt te stelle(n) Ende oft hij/ niet en quame soe hoepte hij dat den voirs(creven) everarde als man/ en(de) momboir va(n) zijne(n) yerste(n) wive die mede erfgename was/ vand(en) voirs(creven) wijle(n) pete(re)n van sinte pet(er)s en(de) alsoe actie hadde/ inden voirs(creven) chijs den selve(n) zijne(n) chijs va(n) drie jae(re)n v(er)lope(n) aende/ gesette pe(n)ni(n)ghe volgen soude hem des gedragen(de) totte(n) rechte/ soe dat dairop scepen(en) gemae(n)t he beg(er)t hebbe(n) den diene(r)/ te aenhoire(n) vande(n) dach doene h(ier)op gedaen Ende nae dien/ dat h(ier)op bij eede gehoirt es marck crauwels geswo(re)n diene(r)/ en(de) vorste(r) ons gened(ichs) he(re)n in des(er) stat ende hij gecleert heeft/ den voirs(creven) meest(er) janne h(ier)toe dach besceyde(n) te hebbe(n) die he(m)/ d(air)op antweerde dat hij alh(ier) te rechte niet come(n) en soude/ noch en behoirde Soe hebbe(n) de scepen(en) inder sake(n) gemae(n)t/ gewijst met vo(n)nisse wair de voirscr(even) meest(er) jan niet en/ quame tsmeyers en(de) der scepen(en) dat dan den voirs(creven) procur(eur)/ ind(en) name als bove(n) den chijs aende voirs(creven) gesette pe(n)ni(n)ghe/ volgen soude In sca(m)pno cor(am) om(n)ibus de(m)pt(is) berthem duffle/ septembr(is) xviii