Wij suster katerine vand(er) meren oetmoedich p(ri)orinne en(de) tgemeyn
//
co(n)vent des goidshuys van sinte berbelen dale reguliererssen va(n) sinte augustij(n)s/ ordinen des creesdoms van luydick bynne(n) der stad va(n) thiene(n) geseten doen condt/ allen lieden die dese l(ette)ren selen zien oft hoiren lesen want wij overmits/ stre(n)gheit onser ordinen en(de) geloften te houden buten onsen sloote niet gaen/ en moegen noch onse saken selve doen Soe hebben wij voir ons voir [en(de)] onsen/ en(de) onsen naecomelingen mechtich gemaect en(de) mechtich maken en(de) geve(n) volcome(n)/ macht en(de) sunderlinge bevel onsen gemi(n)den in gode brueder dieric van/ antweerpen onsen eerleken r(e)c(t)or en(de) biechtvader tot onsen wederroepen(e)/ soe waer dat hij desen onsen open(en) brief thoenen sal in onsen name te/ heysschene te eyndene en(de) te ontfangene alle alsulke rinten chijsen pachten/ so(m)men va(n) pe(n)ningen en(de) ande(re)n goeden en(de) scouden alsmen den voirscr(even) goidshuyse/ sculdich mach zijn en(de) naemaels wesen sal de pe(n)ningen rinten en(de) pachten/ te eyndene en(de) tontfangene En(de) ofts noot ware om der selver goeden/ wille pachten chijsen en(de) renten voirscr(even) te deenghen en(de) te dingene in/ onsen name voir alle gerichten gheestelic oft weerlic die pande en(de)/ onderpande metten rechte te beslane uut te wi(n)nene en(de) ghifte/ dairaf tontfane en(de) weder over te geven(e) met rechte te vervolgene/ vo(n)nisse te heysschene te aenhoiren(e) en(de) te voldoen(e) in gewi(n)ne en(de)/ verliese Item onse rechte te bescudden(e) en(de) ons te v(er)antwoerden(e)/ in allen steden en(de) tijden en(de) guedinge va(n) erve tontfane to(n)tfane tonsen/ behoef Item eene(n) oft meer procureerders wettelijc in zijn stadt/ te settene en(de) oic weder af te setten(e) alst hem gelieve(n) sal En(de) alle/ dat te doen(e) dat wij selve soude moegen doen waren wij voir oogen/ en(de) tsegenwoirdich behoudelec dat ons onse r(e)c(t)or voirscr(even) oft die/ hij in zijn stadt sedt ons oft ons cloester niet en selen moege(n) onterven/ Geloven wij hiero(m)me wij priori(n)ne en(de) co(n)vent gemeyn co(n)vent/ voirscr(even) voir ons en(de) onsen naecomelingen teewigen daghen vaste/ goet en(de) van weerden te houden wies ons r(e)c(t)or brueder dierick voirs(creven)/ en(de) zijn voirtgemechtige in onsen saken voirscr(even) doen selen allen/ argelist uutgescheyden in herdinckenissen en(de) getuge der waerheyt/ Soe hebben wij priori(n)ne en(de) tgemeyn co(n)vent voirscr(even) onsen/ co(n)ventualen segel deser l(ette)ren aengehangen int jair ons hee(re)n/ duysent vierhondert neghen en(de) tseve(n)tich opte(n) ierste(n) dach va(n) augusto