It(em) is tvoirs(creven) bekin geschiet te dier meyni(n)gen dat/ de voirs(creven) jan van beert d(air) mede tallen tiden alst hem/ gelieft sal moegen verhale(n) alle schaden ende lasten zij/ wa(r)en van rechte oft ande(re) die hij e(n)nichssins soude/ moege(n) lijden uut saken vand(er) borchtocht o. die hij/ op eerghiste(re)n voe(r) den voirs(creven) meest(er) janne dede voir scep(enen)/ van loeven(en) aen m(ijn) vrouwen ende tgodshuys vand(er) banck/ van eend(er) pechting(en) van seke(re)n landen des voirs(creven) godsh(uys)/ gelegen te leefdale ende van oic tgene des hij uut/ saken der selver soude moete(n) betalen ende niet voirde(r)/ cor(am) eisd(em)