Het zijn comen te rechte inde banc voir meye(r) ende scepen(en)/ van loeven(e) lijsb(eth) vander varent wed(uwe) henr(ix) wilen vand(en) putte/ ter eend(er) zijden ende jan vand(en) wijngarde ter ande(re) om dertich/ ryns guld(en) eens diede voirs(creven) jan opte(n) xxviii[en] dach januar(ii)/ a(nn)[o] lxxviii geloofde simplic ende sonder condicie te betale(n) clase/ vand(en) hove in eene(n) seke(re)n tractate dat alsdoen voir scep(enen) van/ loeven(e) passeerde tussche(n) den selve(n) clase als mo(m)boir zijns wijfs/ ter eend(er) en(de) den selven vand(en) wijgarde ter ande(re) welcke/ gelofte der voirs(creven) wed(uwe) bijden voirs(creven) clase en(de) sijne(n) wive wert/ getransporteert voir scepen(en) van loeven(e) aprilis p(rim)[a] d(air) nae op/ seke(re) condicie(n) als hue(r) die so(m)me soude zijn vernuecht Dat/ dan dien brief want d(air) noch ande(re) vorweerden inne stonde(n)/ den voirs(creven) gehuysschen gerestitueert soude worden van welcke(n)/ xxx ryns guld(en) de voirs(creven) wed(uwe) versocht thue(re)r conclusien/ vand(en) voirs(creven) janne uutreykinge en(de) betalinge want den t(er)mijn/ van dien wae(r) verschene(n) hopen(de) dat hue(r) die geschien soude/ Dair tege(n) de voirs(creven) jan sustine(re)nde de contrarie dede seggen/ dat hij die gelofte hadde gedaen uut saken van seke(re)n gued(ingen)/ en(de) vestich(eit) die claes hem inden selven br(ieve) hadde gelooft te/ doen(e) van seke(re)n goeden die hij nochtan zeder en(de) naederhant/ om hem te decipiere(n) meest(er) ja(n)ne drappekier hadde overgegoet
//
soe dat hem bij dien zijne gued(inge) niet worde(n) en mochte(n)/ soude hij dan zijne pe(n)ning(e) geve(n) en(de) gheene goede hebbe(n) d(air)/ mede soude hij qualijc toecome(n) bieden(de) onder den ande(re)n te/ bewijsen dat hij die gelofte vand(en) xxx r(yns) guld(en) ald(air) geruert/ hadde gedaen voir en(de) inde stat vand(en) goede(n) die he(m) claes/ ald(air) hadde gelooft over te goede(n) hoe wel den selven brief/ dat niet uut en wijsde ende alsoe hoopte hij der aensprake(n)/ ongehouden te zijne D(air) op de wed(uwe) replice(re)nde dede segge(n)/ hue(r) gelofte wae(r) simpel en(de) sonder condicie en(de) d(air) op/ hadde zij met clase gevorweert en(de) hadde transport van/ dier so(m)men gecreg(en) Dat voirt claes en(de) jan zeder den voirs(creven)/ contracte overcome(n) wa(r)en dat claes met zijne(n) sweer en(de) huysvr(ouwe)/ den voirs(creven) vand(en) wijng(ar)de goeden souden int boscheussel dwelc/ claes dede en(de) was dit eussel alsdoen gepresen op twee/ ryns guld(en) boven allen co(m)mer en(de) ontsloech met dier gueding(e)/ clase uuter hachten te velpen dair inne hij was voir tvoldoen/ vand(er) gueding(e) nae inhout der scepen(en) br(ieve) van loeven(e) Dese/ en(de) meer ande(re) pointe(n) p(rese)nteerde sij te thoene(n) D(air) uuterlijc nae/ aensprake verantwerde(n) ende thoenisse van beyden p(ar)tie(n) scepen(en)/ van loeven(e) ter manissen smeyers gewijst hebben voir een vo(n)nisse/ dat de voirs(creven) jan vand(en) wijngarde gehouden soude zijn der voirs(creven)/ wed(uw)[en] den voirs(creven) scepen(en) brief te voldoen(e) ende heeft de selve jan/ e(n)nich gebreck van gueding(e) oft vestich(eit) dat mach hij volge(n) met/ rechte dair ende soe dat behoirt cor(am) scab(inis) in sca(m)p(n)[o] m(ar)cii xviii