Inden saken geport voe(r) den rade vander stadt bij janne/ ackerman ter eender ende den laten gheerts van overdijle/ in zijnen hove te hag(er)srode inder prochien van bierbeke ter/ ande(r) zijden welke late aldair bescreve(n) ware(n) te(n) v(er)sueke/ des voirscr(even) jans metter stadt brieve(n) Aldair de selve jan/ ackerman beg(eer)de dat alsulk(en) panden als ten bijstane vand(en)/ late(n) voirscr(even) hem in voirleden(en) tijden afgepant zijn w(er)den/ geset in gewariger hant en(de) dat hem geopent werde trecht/ vander banck gelijck dat in voirleden(en) tijden bijder selver/ stadt geappointeert es geweest tussche(n) hem en(de) den voirs(creven)/ g(eer)de om te i(n)valide(re)n de voirscr(even) pandinghe bijden selve(n)/ hove gedaen ten v(er)sueke van g(eer)de voirscr(even) welke pande(n)/ ghelijck hij te kynne(n) gaff boven de voirscreven t(er)mi(n)acie/ v(er)cocht zijn geweest hopende dat hem dat alnoch geschie(n)/ soude Dair teghen de late als bescreve(n) voe(r) den/ rade om deser saken wille seyden dat zij naden daet/ vander terminacien voirscr(even) ende om die te acht(er)volgen(e)/ gelijck dat ghewesen mocht zijn hebben den selven/ janne ten versueke van p(ar)tien thoff geopent om te/ comen(e) invalide(re)n de voirscr(even) pandinghe d(air)af hij bove(n)/ rue(re)nde es ende den selven dair toe eenen seke(re)n dach/ doen condigen ald(air) hij niet gecompareert en is Ende/ alsoe hebben zij ten versueke van g(eer)de voirscr(even) gewese(n)/ met gemeyne(n) overdrage dat hij aende gepande pande/ niet v(er)cope soe dat behoirt voirts varen soude Ende/ hebben de voirs(creven) laten dit op hue(re)n eedt genome(n) dat/ dit aldus geschiet es voe(r) hen wettelijck ende nader/ voirscr(even) t(er)minacien Dairop jan voirscreve(n) replice(re)nde/ seyt dat hij doe(n) t(er) tijt buyten lants was en(de) dat hij/ aldair niet en conste gecompare(re)n Es geappointeert/ nae dat de laten op hue(re)n eedt genome(n) hebben de recht/ vorderinge geschiet te zijne gelijck boven dat de
//
rechtvorderinge voirscr(even) vand(en) v(er)copen(e) d(er) voirs(creven) pande(n) es/ geschiet rechtverdichlijck Mair gelieft janne yet and(er)s/ den voirs(creven) laten teysschen(e) dat hij dat doe met rechte/ In consilio op(idi) januarii xii