It(em) meester lambrecht vand(er) ee raet m(ijns) gened(ichs) he(re)n ts(er)toge(n)/ en(de) meester vanden r(e)queste(n) zijns hoefs heeft geapprobeert/ geconfirmeert en(de) geratificeert tractaet geschiet voir scepen(en)/ van loven(e) m(ar)cii x a(nn)[o] lxxvi desgelijx den coop alle vorw(er)d(en)/ condicie(n) en(de) gelueften d(air)inne g begrepe(n) en(de) voirts alle guedi(n)gen/ en(de) vestich(eit) en(de) alle ande(re) sake(n) die dair uuyt gevolcht zij(n) ki(n)nen(de)/ en(de) lijden(de) dat die bij woute(re)n va(n) coelhem in zijne(n) name en(de) tot/ zijne(n) orbe(re) ende prouffite sijn geschiet Geloven(de) die al tsame(n)/ voir hem zijn erve(n) en(de) nacomelingen va(n) machte en(de) weerde(n) te/ houden zonder d(air) tegen te come(n) te doene oft te late(n) come(n) oft/ doen bij e(n)nigen rechte gheestelijck ende weerlijck bij he(m) selve(n)/ oft yemande and(er)s Bij alsoe dat he(m) die en(de) alle pointe(n)/ inden selve(n) tractate begrepen volcomelijck onderhouden ende/ voldaen worde(n) van dien vand(en) borchove(n) oft hue(re)n wegen en(de)/ niet and(er)s cor(am) berct mole(n) febr(uarii) xv