It(em) pet(er) en(de) baudewijn van viler gebruede(re)n sonen wile(n) gorts/ woenen(de) te bevekem in p(rese)ncia hebben genome(n) en(de) bekint dat/ zij genome(n) hebben van jannes de coste(r) als p(ro)cur(eur) des godsh(uys)/ van shertoge(n) eylande bij ghempe vier boende(re)n lants toebeho(r)ende/ den voirs(creven) godsh(uyse) gelege(n) in drie stucken tusschen der sluysen/ en(de) thoff van hauwens toebeho(r)ende den godsh(uyse) van everbode/ Te houden te hebben ende te wynnen van s(in)t andr(iesmiss)[e] apostels/ lestleden eene(n) t(er)mijn van xii ja(r)en lang deen nae dande(r)/ sond(er) middel vervolg(ende) Elcx jaers dae(re)nbinne(n) om ende voe(r) drie/ rijns guld(en) te tsestich pl(a)c(ken) tstuc alle ja(r)e s(in)t andr(iesmiss)[e] ap(oste)ls te betale(n)/ den proofst des voirs(creven) godsh(uys) oft den procur(eur) desselfs tentide sijnde/ quol(ibet) ass(ecutu)[m] It(em) is vorweerde dat de voirs(creven) wynnen tvoirs(creven) lant/ den voirs(creven) t(er)mijn t(er)m due(re)nde jaerl(ijx) wynnen werven en(de) mesten/ sullen wel en(de) loflijc gelijc reengenoten bove(n) en(de) benede(n) ende/ ten uutgane van hue(re)n voirs(creven) t(er)mijne sullen zij dat bloot late(n)/ En(de) alle dese vorweerden (et)c(etera) cor(am) berct moelen m(ar)cii xiii