It(em) symoen de plueghe(re) sone wilen jans in p(rese)ncia heeft genome(n)/ ende bekint dat hij genomen heeft van gorijse vrancx thoff/ desselfs gorijs metten huysen hove(n) schue(re)n wynnen(de) landen/ bogarden en(de) beemde(n) den selve(n) hove toebehoerende uutgenome(n)/ den bachuys beemt en(de) tcleyn bogardeke(n) alsoe dat gelegen is/ te corbeke overloe Te houden te hebben en(de) te wynne(n) vanden/ dage van heden eene(n) t(er)mijn van tweelf ja(r)en lang deen nae/ dande(r) sonder middel vervolgen(de) Elcx jaers dae(re)nbinne(n) de/ voirs(creven) wynnen(de) landen ende bogarde(n) om ende voe(r) deen helicht/ van alle den vruchte(n) ende ooften die d(air)op jaerlicx wassen sullen/ en(de) de voirs(creven) beemden om ende voe(r) twintich r(ijns) guld(en) te tsestich/ pl(a)c(ken) tstuc alle ja(r)e s(in)[t] m(er)tens(mis)s[e] te betalen quol(ibet) ass(ecutu)[m] It(em) is vorweerde/ dat de voirs(creven) wynne de voirs(creven) goede den voirs(creven) t(er)mijn due(re)nde/ houden wynne(n) werven ende mesten sal wel te weten(e)/ den winterart op iiii getidege vore(n) de gherste op iii ende/ de even(e) op twee voren en(de) sal de wynne die laten tsijnen/ afsceyden alsoe hij die ae(n)veert de brake en(de) stortte al o(m)me/ en(de) iiii boende(re)n braken gemest It(em) is vorweerde dat de/ voirs(creven) wynne alle ja(r)e inden oechst tcoren af zijnde des/ voirs(creven) gorijs gedeelte ierst inne vueren sal in gorijs schuere/ en(de) dooft sullen zij jaerlijcx te halven coste ter eerden leve(re)n/ ende dat gedeylt ende tcoren gedorsschen sal de wynne/ des voirs(creven) gorijs gedeelte van al te loeven(e) leve(re)n It(em) heeft/ de voirs(creven) gorijs te he(m)weert behoude(n) zijn huys metten/ dofhuyse en(de) wate(re)n sond(er) dat de wynne d(air) inne e(n)nigen/ sacht sal hebben It(em) sal de wynne den voirs(creven) gor(ijse) moeten/ houden jaerlicx twee vercken(e) die he(m) de voirs(creven) gorijs leve(re)n/ sal van halfmerte tot s(in)[t] m(er)tens(mis)s[e] It(em) is vorweerde dat/ de voirs(creven) wynne den voirs(creven) gorijse te loeven(e) tot zijne(n) huys/ jaerlijcx vueren sal xxv wissen houts It(em) sal de voirs(creven) wynne/ jaerlicx te behoirliken tide mergelen ii boender lants des sal/ gorijs den mergel betalen It(em) alsmen dair dect oft plect
//
van ouden wercke aen de huysinge vand(en) voirs(creven) hove sal de/ wynne den werclied(en) den montcost geve(n) en(de) gor(ijs) sal de/ dachue(re)n betalen en(de) sal de wynne jaerl(icx) leve(re)n int voirs(creven)/ hoff tweehondert walme(re) It(em) sal de wynne de beemde(n) en(de)/ bog(ar)den jaerlicx verwa(r)en ende vermaken ende de ryoelen vage(n)/ en(de) die tsijne(n) afsceyde(n) alsoe late(n) It(em) sal de wynne hebben/ alle trunchout op de voirs(creven) goede staen(de) en(de) die pote(n) die vand(en)/ willige(n) comen sullen sal hij op de goede moete(n) planten en(de) die/ verwa(r)en ende verdorne(n) It(em) sal de wynne den voirs(creven) gorijse/ jaerlijcx doen drie corweyen Des sal gorijs hem geve(n) binnen/ den yersten vi ja(r)en iiii ellen levereye lakens It(em) selen de/ voirs(creven) gorijs ende wynne jaerl(ijcx) coopen xl mandelen stroes oft mest dair voe(r) ten proffijte vand(en) lande d(air)af gor(ijs) de ii deele/ en(de) de wynne tderdel geven sullen cor(am) borch(oven) duffle m(ar)cii/ xvii