SAL7373, Akte: V°33.3 (87 van 786)
Akte V°33.3
Act
Datum: 1479-07-08
Transcriptie
2018-10-25 door Greet FobletsIt(em) al sijn de voirs(creven) twee kennissen geschiet soe is/
nochtan besproken en(de) vorweerde waert tsake dat de/
naekinde(re) oft mo(m)bo(r)en binne(n) eene(n) jae(r) naestcomen(de) gheen laste(n)/
en bevonden vand(en) crone(n) erflijc die meer uuter sy(m)men soude/
gaen dan dwaerscap dair af gedaen bijden voirs(creven) wilen/
arnde boene en(de) sijnen wive begrijpt oft oic dat de naekinde(re)/
gheen belet met rechte en bevonden aen den pet(er) erflijc/
aen der jouffr(ouwe) zedeleers goede en(de) vand(er) halver ame(n) wijns/
erflic opde goede wouters colve die jouffr(ouwe) m(ar)griete zijne/
sust(er) houden(de) is oft oic dat h(er) mychiel absoloens ridder/
hie(re)nbinne(n) niet en conste met rechte gewinne(n) opde craye/
den eene(n) ryns guld(en) erflijc die hij meer d(aer)op meynt te/
hebben dan hij nu jaerlicx getoge(n) heeft dat dan in/
alle(n) dien gevalle(n) en(de) anders niet den voirs(creven) arnde noch/
come(n) soude van sijne(n) gedeelte alle der voirs(creven) goede/
rinte(n) p(ro)ffijte(n) ende vervalle(n) sesse ryns guld(en) eens/
sonder meer die he(m) bijden voirs(creven) naekinde(re)n oft hue(re)n/
mo(m)bo(r)en in dien gevalle alsdan tselve jaer overleden/
sijnde opgeleecht soude worden ende betaelt/
cor(am) eisd(em)
Nagekeken door: Greet Stevens
Moderator: Greet Stevens
Laatste update:: 2016-11-08 door Jos Jonckheer