Item hubrecht horens zone wijle(n) vranx van bercheyke en(de)/ vrancke horens zijn zone p(ri)us ema(n)cipat(us) in p(rese)ncia hebben/ genome(n) en(de) bekint dat zij genome(n) hebbe(n) van symone va(n)/ acht(er) geheete(n) boschv(er)ken thoff desselfs symoens gelege(n)/ te ralebeke inde prochie va(n) outhev(er)le mette(n) huysen/ hove(n) de nyeuwe schue(re) bog(ar)de dair toe hoiren(de) en(de)/ oick den wynnen(de) landen va(n) goederthoys wijng(ar)de voirts/ te ralenbeke en(de) te loven(e) weert en(de) oick xiiii dachmale(n)/ bempts vast aen thoff gelege(n) gaen(de) vanden hove lanx/ den velde tot aen willem pierarts beempt geheete(n) den/ hasenborne en(de) en sulle(n) h(ier) inne niet begrepe(n) zijn de/ lande die op gheenssijde goederthoys wijng(ar)de ligge(n) noch/ de twee boende(r) bempts gelegen onder thoff lanx der/ dijlen noch een stuxken bemps op tgemeyn broeck/ noch oick huys en(de) hof gelege(n) mette(n) bog(ar)de ende den/ toebeh(oirten) inde p(ro)chie van hev(er)le noch oick drie dach(malen) lants die jan trave houden(de) es noch oick de cleyne schue(r)/ vande(n) hove en(de) eene(n) solde(r) bove(n) den scaepstal want/ symoen die alle te hemw(er)t behoude(n) sal Te houden te/ hebbe(n) en(de) te wynne(n) van half meye dat was a(n)no xiiii[c]/ lxxix eene(n) termijn van xii ja(re)n lanck due(re)nde deen/ nae dande(r) zonder middel v(er)volgen(de) Elx jaers d(air)enbi(n)nen/ de voirscr(even) wi(n)nende lande om en(de) voe(r) de helcht/ va(n) allen den vruchte(n) dairop jairlijx wassen(de) Ende de/ voirscr(even) bempde jairlijx om en(de) voe(r) xiiii pet(er)s jarlix te/ half meye te betalen q(uo)l(ibet) ass(ecutu)[m] Item de voirs(creven) wy(n)ne(n) sele(n)/ laten thue(re)n afscheyden(e) elf boende(r) en(de) een half dach(mael) rox
//
besayt met wint(er)coirne alsoet zijt aenveerde(n) It(em) de wy(n)ne/ sele(n) laten den som(er)aert thue(re)n afsceyden(e) te weten(e) xii boender/ en(de) een dach(mael) alsoet zijt aenveerden Dair onder dat zij vonden/ onder de(n) selve(n) art ii boende(r) stoppelrox en(de) een boend(er) som(er)rox en(de)/ dat sal de selve wy(n)ne sayen t(er) plaetse(n) dairt symoen(e) best gelieve(n)/ sal op zij(n) getidige vore(n) It(em) de x boende(re)n brake(n) sulle(n) blive(n) also/ dat behoirt Item de wy(n)ne sal de brake bynne(n) m(er)te om doe(n) alsoe/ dat behoirt en(de) oft noot wa(r)e sulle(n) de wy(n)ne de brake hoelvore(n)/ om de peden uuyt d te doen(e) en(de) wel egge(n) talle(n) vore(n) alsoet/ behoirt It(em) sulle(n) de wy(n)ne de g(er)ste wy(n)ne(n) en(de) werve(n) op drie/ getidege voren en(de) wel eggen en(de) wellen en(de) desgelijx de/ have(r) op twee vore(n) oick wel gheegt en(de) ghewelt talle(n)/ vore(n) Item de wy(n)ne sulle(n) de messie de messi talle(n) vore(n) uuyt/ vue(re)n en(de) sceppe(n) tslants meeste(n) p(ro)uffite alsoe wel opde verste als/ de naeste It(em) de wy(n)ne(n) moete(n) jarlix houde(n) by(n)ne(n) de(n) voirs(creven)/ hove drie xxv lijfscape It(em) de wy(n)ne(n) meghe(n) xii voede(r) heyde(n)/ mayen oft doen maeyen en(de) tgelt van die te doe(n) maeyen cort(en)/ aende voirscr(even) weyhue(re) op dat symoe(n) niet en dede doe(n) en(de) des/ moet de wy(n)ne die hale(n) tsijne(n) laste It(em) de wy(n)ne(n) en sele(n) niet/ moege(n) vare(n) op bossche noch elde(r) het en wa(r)e dat de lande(n) hue(r)/ getidege vore(n) hadden als hue(r) reeng(enoten) ten p(ro)ffite vand(en) lande It(em)/ de voirs(creven) wy(n)ne sele(n) jairlix moete(n) saeyen te(n) mi(n)sten twee/ boende(r) stoppelrox en(de) een boend(er) som(er)rox en(de) alle ja(r)e i boe(n)der/ erwete(n) sayen It(em) de wy(n)ne(n) sele(n) alle ja(r)e (½) boend(er) rape(n) saye(n)/ en(de) d(air)aff sal symoe(n) de helcht hebbe(n) Ite(m) oft geliefde de(n) voirscr(even)/ wy(n)nen scherfw(ar)moes te saeyen voir zij(n) scape v oft vi dach(malen) dat/ moghe(n) zij doe(n) zonder hue(re)r meest(er)s cost en(de) dat sulle(n) de wy(n)ne(n)/ moete(n) besaeye(n) te(n) meeste(n) p(ro)uffite en(de) tot g(er)ste(n) It(em) de wy(n)ne(n) sele(n)/ de strate(n) en(de) ryole(n) vege(n) zond(er) symoens cost It(em) de wy(n)ne(n) moete(n)/ de leygrechte(n) en(de) de oude slippe(n) vege(n) en(de) uuytlegge(n) zoe v(er)re sij/ de bempde houden(de) zij(n) zond(er) symoe(n)s cost desgelijx moete(n) zij de/ bempde v(er)make(n) dair de p(er)de inne gae(n) sulle(n) en(de) alsoe dat/ de ande(re) bempde d(air)bij gheen scade(n) en lijde(n) It(em) de wy(n)ne(n) sele(n)/ de(n) selve(n) symoen(e) met zijne(n) wagen(en) en(de) p(er)de(n) moete(n) diene(n) in afslage/ va(n) zijne(n) weygelde het en wa(r)e inden saeytijt oft oechst It(em)/ de voirs(creven) symoe(n) en sal niet moege(n) doe(n) derssche(n) voe(r) sint m(er)tensmisse
//
het en wa(r)e voe(r) broot core(n) oft voe(r) de v(er)ken(ne) It(em) de voirs(creven) wy(n)ne(n)/ sulle(n) besayen alle ja(r)e iiii mol(evaten) lijsaets des moet symoe(n) den/ halve(n) saet leve(re)n It(em) symoe(n) sal moege(n) vare(n) doir swi(n)nen bempde/ in zij(n) bempde t(er) meester [minster] scade(n) desgelijx sal de wy(n)ne oick met/ zijne(n) hoye moege(n) vare(n) doer symoe(n)s bempde It(em) de wy(n)ne(n) en/ sele(n) niet moege(n) truncken inde bempde oft d(air)aen dan inde/ vorste doyleghe It(em) de wy(n)nen sele(n) symoens desschers een/ bedde decken zond(er) [zijne(n)] cost desgelijx de wy(n)ne(n) en sele(n) gheene/ thuyne moege(n) afbreke(n) zond(er) symoe(n)s (con)sent It(em) de wy(n)ne(n) en/ moegen op jans va(n) oppe(n)dorp boend(er) niet tru(n)cke(n) noch note slae(n)/ It(em) de wy(n)ne(n) en moege(n) nyema(n)ts borge blive(n) It(em) de wy(n)ne sulle(n)/ alle(n) leem vitselroeden theene dackroede(n) die me(n) totte(n) rep(ar)acie(n)/ behoeve(n) sal moete(n) hale(n) zond(er) symoe(n)s cost t(er) plaetse(n) dairse symoe(n)/ wise(n) sal en(de) de wy(n)ne sele(n) de(n) wercliede(n) den montcost geve(n) en(de)/ symoe(n) sal de dachue(re)n betale(n) It(em) de voirs(creven) wy(n)ne sulle(n) jairlijx leve(re)n/ int hof xxx bussele(n) walms [om] de huyse d(air)mede te decke(n) en(de) de/ wy(n)ne sulle(n) de huyse houde(n) vand(en) und(er)ster rijkele(n) nederweert It(em)/ de wy(n)ne sulle(n) thue(re)n afscheyden(e) late(n) int hof xv busschele(n) walms/ om d(air)af bande te maken(e) It(em) de wy(n)ne(n) sele(n) alle ja(r)e ofts behoeft/ hale(n) te platteborse een voed(er) calx om d(air) aende huyse te v(er)w(er)ken(e)/ It(em) de wy(n)ne sele(n) tru(n)cke(n) en(de) houwe(n) alsoe v(er)re alse thafteel gae(n) mach/ oft ploechrecht sculdich es te gane It(em) ae(n) core(n) noch ae(n) bempde/ en sulle(n) de wy(n)ne niet moege(n) houde(n) dan om tgoet te v(er)maken(e) alsoet/ behoirt met levende(n) houte zonder afhouwe(n) It(em) de wi(n)ne moete(n) de/ duerne(n) en(de) breme(n) afhouwe(n) gelijck de(n) schairhoute alse tijtveerdich/ es en(de) de grechte(n) reynlijck oprichte(n) d(air) tschaerhout alsoe gehouwe(n)/ wort It(em) de wi(n)ne sulle(n) de bempde(n) lande(n) en(de) coelhof v(er)make(n) also/ dat behoirt en(de) dat alsoe late(n) thue(re)n afscheyden(e) It(em) de wi(n)ne/ sele(n) jairlix de(n) bruel innevue(re)n It(em) de wi(n)ne sal doeft half hebbe(n)/ en(de) sal symoe(n)s deel te loven(e) vue(re)n en(de) dafdoe(n) half betale(n) It(em) te(n) lest(en)/ ja(r)e en sele(n) de wi(n)ne niet moege(n) houwe(n) noch tru(n)cken It(em) de wi(n)ne sele(n)/ symoen(e) iiii carweyd(en) doe(n) d(air)t he(m) believe(n) sal met iiii p(er)de(n) en(de) wagen(en)/ van iiii dage(n) It(em) de wi(n)ne sal allet core(n) vand(en) helicht wi(n)ni(n)g(en) ae(n)gaen(de)/ symoe(n)s deel te loven(e) vue(re)n en(de) opdrage(n) zond(er) symoe(n)s cost en(de) altijt/ dyerste voed(er) va(n) symoe(n)s gedeelte inder schue(re)n vue(re)n en(de) alsoe voirts/ tot dat al inne sal zij(n) It(em) de wi(n)ne moete(n) alle ja(r)e symoen(e) een/ leech rint winte(re)n zond(er) zijne(n) cost symoe(n) sal de bande slae(n) en(de) mette(n)/ wagen(en) gae(n) int velt zond(er) zijne(n) cost oft voe(r) de(n) cost een carweyde/ ts(jae)rs doen cor(am) reth(eman) berct junii xiii