Item h(er) robbeert lonijs priester ter eender ende ka(tlij)[ne] lonijs/ dochter wijlen jans lonijs brueders des voirscr(even) hee(re)n robbeerts/ voir hue(r) ende inden name van lijsbetten lonijs hue(re)r suster/ die zij in desen geloeft heeft te v(er)vange(n) t(er) ande(r) zijden/ die opden iii[den] dach in meerte lestleden voir scepen(en) van/ loven(e) hen hebben gesubmitteert in segg(er)s en(de) vriendelijcke/ yffene(re)n aldair genoemt d(air)aff den tijt es geexpireert Hebbe(n)/ hen de voirscr(even) p(ar)tien wed(er)o(m)me gesubmitteert inde eendrechtige/ uuytsprake van meest(er) arnde van oudenaerde ende arnold(e)/ kyp op alle vuege(n) begrepe(n) inder submissien voirscr(even) Welke/ segg(er)s hue(r) eendrechtige uuytsprake doen sulle(n) opde gescrifte(n)/ ende navolgende den bescheyde bij partien overgegeven ten/ tijde der voirscr(even) submissien van soe v(er)re zij sulle(n) ov(er)come(n)/ bynne(n) eender maent naestcomen(de) Ende van des zij niet en/ overcome(n) sulle(n) zij bynne(n) den selve(n) tijde neme(n) eene(n) ov(er)man/ die clerck va(n) rechte zijn sal niet suspect ende hen d(air)mede/ beraden om met dien alsoe ov(er)comen duytsprake van des/ zij eens niet eens en wa(r)en tappointe(re)n en(de) oft de segghers/ bleve(n) discorde(re)nde sal de voirs(creven) ov(er)man aengehoirt de div(er)siteyt/ vand(en) opinien bynnen den voirscr(even) tijde de sake uuytspreken/ en(de) termine(re)n Ende wes (et)c(etera) In om(n)i mo(do) p(ro)ut in p(re)d(i)c(t)a submiss(ione)/ promitt(entes) rat(um) d(i)c(t)us d(omin)us robbert(us) renu(n)c(ians) cor(am) rethema(n)s/ moelen junii xv