Want jan ve(r)naliten als geleyt nae deser stad recht uut/ crachte van scepen(en) brieve(n) van loeven(en) voir zijn wettich gebreck/ tot allen den goeden have en(de) erve gheerts wilen weer goessen/ jans matheeus cuypers henricx weer sone wilen gheerts van/ aetrode ende henricx weer brueders des voirs(creven) wilen gheerts/ soe wair die gelegen zijn hem met deser stad brieve(n) gescr(even)/ aen den meye(r) van halen oft zijne(n) stedehoude(r) ter nuwercapelle(n)/ oft den bringer der selver heeft doen leve(re)n alle de goede voirs(creven)/ En(de) de wed(uwe) des voirs(creven) wile(n) gheerts en(de) den ande(re)n p(er)sonen/ dach va(n) rechte doen bescheyden oft zij hen tege(n) de voirs(creven) execucie/ hadden wille(n) oppone(re)n Tot welcke(n) dage noch oic op hede(n)/ als ten verstreken(en) dage van rechte de voirs(creven) p(er)sone(n) noch niema(n)t/ van hue(re)n wegen come(n) en zijn den voirs(creven) geleydden trecht voirt/ versueken(de) Soe hebben de hee(re)n scepen(en) van loeven(en) ter maniss(en)/ smeyers gewesen voir een vo(n)nisse nae dat hen gebleke(n) heeft/ bij rapporte tyebauts stee(n)weechs d(er) stad bode de voirs(creven) leveringe/ en(de) dachbesceydinge geschiet te zijne datmen den voirs(creven)/ geleydde(n) vand(en) voirs(creven) goede(n) houde(n) soude inde macht van/ zijne(n) beleyde scepen(en) brieve(n) en(de) leveringe(n) voirs(creven) alsoe verre/ alst noch voir scepen(en) come(n) is eisd(em)