It(em) de voirscr(even) gehuyssche(n) anth(onijs) ende zijn wijf welke anth(onijs)/ met scepen(en) br(ieve) va(n) loven(en) vander daet xiiii[c] liiii febr(uarii) viii/ houden(de) een zeke(re) erfrinte va(n) xii r(ijnsche) g(ulden) tsjaers vallen(de) opde(n)/ voirscr(even) viii[te(n)] dach febr(uarii) Aen ende op thof te gheytenrode/ gelegen inde prochie va(n) cortenake(n) en(de) op meer ande(re) goede nu/ den voirscr(even) henr(icke) toebehoiren(de) nae uuytwijse(n) vand(en) selve(n) br(ieve)/ In welke(n) br(ieve) e(m)mer in eene(n) brieve d(aer)aen gea(n)naxeert vand(er) daet/ xiiii[c] lv aug(usti) vii de voirs(creven) wijle(n) jorijs ende henr(ic) zij(n) zone/ en(de) oick jan vanden steenweghe zijn brueder geloeft hebbe(n) ind(ivisum)/ die rinte te veronderpanden opde selve goede voir hof/ en(de) hee(re) (et)c(etera) hebben den selve(n) vader en(de) zone(n) en(de) heu(r) goede/ van dien gelueften gequiteert en(de) gansselijck quijtgescouwe(n)/ en(de) ontlast geheelijck en(de) al en(de) geconsenteert dat de voirs(creven)/ vier r(ijnsche) gulden(en) lijfpen(sie) jairlijx aende voirscr(even) erfrinte/ gecort sal worde(n) en(de) afgeslagen Ende te dier meyni(n)ghen/ hebbe(n) wij die br(ieve) van dien erfrinte(n) onder scepen(en) ghesedt/ om die al(daer) alsoe te blive(n) Bij alsoe nochtan alse zij dier/ te doen hebbe(n) om hue(r) rinte d(aer)mede te heffen dat zij die/ op goede caucie van wed(er) te bringe(n) sulle(n) moege(n) hebbe(n) Ende/ h(ier)toe hebbe(n) zij oick geloeft te v(er)vane hue(r) kinde(re) ond(er) hue(re)/ dage zijnde soe wa(n)neer zijte hue(re)n dage(n) come(n) sulle(n) zijn/ dat zij dat oick alsd(an) quite(re)n gelove(n) en(de) acht(er)volge(n) sulle(n) en(de)/ dat deselve bejaerde kinde(re) alt(oes) dande(r) op he(n) neme(n) sele(n) eisd(em)

Dese br(ieve) ligge(n)/ in een herthoute(n)/ layke(n) d(aer)op gescr(even)/ stae(n) anth(onijs) de/ v(er)me(r) en(de) he(n)r(ic) vand(en) stee(n)wege