It(em) de voirs(creven) jouffr(ouwe) else cum tuto(r)e in p(rese)ncia heeft ov(er)geg(even)/ en(de) getransporteert henr(icke) pynnock voirs(creven) hue(re)n brueder/ tot behoef jouffr(ouwen) elsen hue(re)r dochter die wijf is willems/ vilters alle trecht p(ro)prieteyt en(de) actie die zij e(n)nichssins heeft/ int viii[te] gedeelte van alsulcke(n) twintich ryns guld(en)/ erflijc als vrouwe katlijne wilen van quaderebbe wed(uwe)/ hee(re)n symoens wilen pynnoc ridders vercrege(n) hadde aen/ en(de) op de stad ba(n)mile ingeseten(en) st en(de) s(e)c(un)darie kercke(n) van/ luydick ende de selve vrouwe katlijne in hue(re)n testame(n)te/ den wettig(en) kinde(re)n amelricx wilen pynnoc heeft gemaect/ d(air) op tot behoef der voirs(creven) jouffr(ouwen) elsen renn(un)cie(re)nde en(de) behoirl(ic)/ verthiende promitt(ens) sat(isfacere) si q(uid) prout Ende dit in/ reco(m)pense ende vergheldingen van dat de voirs(creven) jouffr(ouwe)/ else [de dochter] eer zij te huwelijke tooch voir der voirs(creven) jouffr(ouwen)/ elsen hue(re)r moeder vercocht her ja(n)ne uuter lyemi(n)ghen/ ridder eenen beemt gelegen te nederlynte(r) en(de) d(air)af de/ selve jouffr(ouwe) else de moeder de pe(n)nigen tooch Met sulcker/ condicien dat de voirs(creven) gehuysschen de voirscreven rinte niet/ en sullen moege(n) versetten vercoopen noch belasten in/ gheender wijs Oft oick die in e(n)nigen tiden toecomen(de)/ afgeleet worde salmen die pe(n)ningen wed(er)o(m)me ter/ geliker natue(re)n moete(n) aenleggen cor(am) eisd(em)