Vanden gedinge dat geweest heeft inde banck voir meye(r)/ en(de) scepen(en) van loeven(e) tusschen henr(icke) vasont den jongen als p(ro)cur(eur)/ symoens van wesenbeke aenlegge(r) ter eender en(de) ja(n)ne van/ hercke drossete van rethy ter ande(re) aldair de voirs(creven) p(ro)cur(eur) dede/ lesen een obligatie en(de) gelofte die de selve jan van h(er)cke den/ voirs(creven) symoene dede voir scepen(en) van loeven(e) a(n)no lix augusti/ xxi van af te leggen(e) als v(er)reycte schult tusschen dat en(de) vand(en)
//
xxiiii[te(n)] dach septe(m)br(is) doen naestcomen(de) over een jair v(er)volgen(de) met/ hondert en(de) thien rijnsche gul(denen) va(n) goude goet en(de) ghinge der vier/ coervorster mu(n)ten voir datu(m) sbriefs gemu(n)t en(de) oick metter voller/ rinten van i jae(r) x gelike r(inssche) g(uldenen) lijfpensien vander daet xiiii[c]/ lxxvii octobr(is) xx ten live meester goloys van tsestich en(de) dien gelesen/ zijnde dede hij seggen dat mits gebreke van dien en(de) want de selve/ jan van hercke die gelofte niet en hadde voldaen de voirs(creven) gelofte/ was gevo(n)nist en(de) alsoe sustineerde hij dat de voirs(creven) jan gehouden/ soude zijn dien te voldoene oft dat hij bewijsen soude dien voldaen/ te hebben gemerct dat dlijf noch leefde hem des getroesten(de) totten/ rechte proteste(re)nde oft de wederp(ar)tie yet nyeuws inne brachte d(air)af/ o(n)verlet te stane om d(air)op nairde(r) tallige(re)n soe zijne(n) raidt gedragen/ soude dair tegen de voirs(creven) van hercke hem verantweerden(de) dede lesen/ twee scepen(en) brieve(n) van loeven(e) beyde vander daet xiiii[c] liiii sept(embris)/ xxiiii elken van x rinssche gulden(en) lijfpensien den eene(n) ten live/ jans wilen van tsestich en(de) goloys zijns soens en(de) den ande(re)n ten live/ jeha(n)nen vanden wolputte weerdy(n)ne desselfs jans en(de) lijsbetten huer(en)/ dochter welke twee brieve bekint wardden bijden voirs(creven) ja(n)ne van/ hercke drossete des hee(re)n van salmen tot rethy woute(re)n va(n) wesenbeke/ des voirs(creven) symoens vader rintmeester desselfs hee(re)n in vorselair/ en(de) gheerde va(n) wesenbeke symoens oem rintm(eeste)r desselfs hee(re)n/ tot rethy voirs(creven) dair elc huer(en) even dyepe inne stont en(de) dese/ gelesen zijnde dede hij seggen dat d(air)nae xii ap(ri)lis a(nn)[o] lxxvii/ de voirs(creven) wouter va(n) wesenbeke symoen zijn sone als p(ri)ncipael/ en(de) met hen willem van dyeven behuwede sone des voirs(creven) wouters/ als hue(r) borge bekinden voir scepen(en) van loeven(e) en(de) met twee/ scepen(en) brieven van loeven(e) elken va(n) x r(inssche) g(uldenen) lijfpensien alsulken/ gulden(en) en(de) talsulken dagen vallen(de) als de voirs(creven) ande(re) br(ieven) h(ier) voe(r)/ geclaert beg(re)pen d(air)af deen thiene ten live der voirs(creven) jeha(n)nen vand(en)/ wolputte wed(uwe) des voirs(creven) jans va(n) tsestich en(de) dande(r) x ten live(n) des voirs(creven) meest(er)/ golijns huers zoens It(em) dat h(ier)nae oct(obris) xviii a(nn)[o] lxxvii voirs(creven) ka(tli)[ne] va(n) dyeve(n)/ des voirs(creven) symoens weerdy(n)ne comen was voir scepen(en) va(n) loeven(e) en(de) hadde/ met symoens co(n)sente gelooft de geloften en(de) co(n)ve(n)cien van desen voirs(creven) ii lesten/ brieve(n) te voldoen(e) en(de) de lijfpen(sien) d(air)inne begrepen jairlix te betalen(e) telken t(er)mijne/ als v(er)volchde schult It(em) en(de) dat opden selve(n) dach dat dese symoens weerdy(n)ne/ dese obligatien aldus dede de voirs(creven) symoen hadde overgecregen om zijne(n)/ vader en(de) oem vand(er) voirs(creven) ierster obligatien te v(er)schoenen en(de) tontlasten en(de) den voirs(creven)/ ja(n)ne va(n) hercke alleene d(air)af te beswaren soe hij gedaen heeft de selve ii ierste/ obligacien en(de) scep(enen) br(ieven) va(n) loeven(e) bij t(ra)nsporte en(de) overgeven(de) hem d(air)af gedaen
//
bijden voirs(creven) meest(er) goly va(n) tsestich nae de doot des voirs(creven) wilen jans zijns vaders/ dede voirt seggen dat h(ier)nae de voirs(creven) symoen ov(er)hebben(de) gelijc voe(r) de voirs(creven) ii scep(enen)/ br(ieve) bij zijne(n) strangen en(de) importu(n)en v(er)volge en(de) ongewarigen te ky(n)nen gheven(de)/ soet ope(n)baer en(de) blijkelijc es soe vele rudich(eit) op en(de) tegen den voirs(creven) h(er)cke heeft/ voirt gekeert dat de selve va(n) hercke die niet en wiste dan dat symoens/ ae(n)bringen warachtich en(de) sonder fraude was nyeu brieve(n) met zijne(n) borgen/ vand(en) voirs(creven) xx r(inssche) g(uldenen) bekinde oct(obris) xx a(nn)[o] lxxvii deen x d(air)af ten live des/ voirs(creven) meester goloys die mits der doot va(n) zijne(n) vader alleene ophe(m) come(n) wae(re)n/ en(de) dande(r) x ten live va(n) jeha(n)nen vand(en) wolputte en(de) oic ten live desselfs meest(er)/ goloys huers soens die nochtan mits der doot vand(er) voirs(creven) lijsbette(n) der docht(er)/ doen op der selver moeder alleene comen wae(re)n en(de) sculdich wae(re)n te staen(e)/ in welke ii brieve(n) [va(n)] lijfpen(sien) nu alhier aldus bekint de voirs(creven) symoen om dat/ hij den voirs(creven) va(n) hercke d(air)mede buyten reden(en) grave(re)n en(de) belasten woude/ selve theffen heeft behouden It(em) dede voirt seggen hoe wel de voirs(creven) symoen/ hem h(ier)toe bracht heeft dat hij den voirs(creven) lesten brief anders stelde dan/ ten live der voirs(creven) jeha(n)nen dat hij dat onweetelijc en(de) uut ignora(n)cien/ heeft gedaen als de ghene die aen symoene v(er)stont en(de) anders niet en wiste/ de oude br(ieve) en luydden alsoe It(em) dede voirt seggen dat [alle] de voirs(creven) br(ieve) quamen/ spruyten(de) uute(n) voirs(creven) ii iersten br(ieven) vand(en) xx r(inssche) g(uldenen) lijfpen(sien) en(de) dat zij hen alle/ genoech d(air)toe refereerden en(de) vielen ten selve(n) dage dat die vallen behalve(n)/ der alte(r)acien vand(en) v(er)obligeerders der mutacien en(de) addicien vand(er) i live/ datter symon meer dan behoirde heeft doen inne setten en(de) den heffen dat/ symoen inde leste br(ief) heeft selve behouden It(em) dede voirt lesen eene(n) scepen(en)/ brief va(n) loeven(e) vand(er) daet xiiii[c] lxxix aprilis xxii d(air)mede symoen/ voirs(creven) openbairlijc bekinde dat hem va(n) wegen der edeler vrouwen/ jeha(n)nen van rotselair grevi(n)ne tot salmen genoech gedaen was vand(er)/ helicht van xx r(inssche) g(uldenen) der vier coorvorst(er) mu(n)ten lijfpen(sien) ten live der wed(uwe)/ jans wilen va(n) tsestich en(de) golijns huers zoens gelijc de selve brieve/ dat voirde(r) inhouden mochten van welken xx r(inssche) g(uldenen) lijfpen(sien) voirs(creven)/ de voirs(creven) vrouwe jeha(n)ne en(de) wilen h(er) jacop greve tot salmen hue(r) sone/ den voirs(creven) ja(n)ne hustin al(ia)s van hercke a(n)no lxiiii iiii in nove(m)br(is)/ geloofden scadeloes en(de) costeloes te houden en(de) te ontheffen gelijc der/ selver vrouwen dat oic met vo(n)nisse vand(en) cancellier en(de) raide va(n)/ braba(n)t opten xvi[te(n)] dach nove(m)br(is) a(n)no lxxviii aengewesen es te doen(e)/ en(de) d(air)mede symoen quijtschout de voirs(creven) vrouwe hue(r) p(ro)cur(eur)s ja(n)ne/ hustin voirs(creven) en(de) alle ande(re) des quitan(cie) behoeven(de) vand(er) voirs(creven) helicht/ der voirs(creven) xx r(inssche) g(uldenen) lijfpen(sien) en(de) allen achterstellige(n) pachte d(air)af v(er)schenen/ geloven(de) die d(air)af ne(m)mermeer aen te spreken It(em) dede voirt lesen eene(n)/ scepen(en) brief va(n) loeven(e) vand(er) daet xiiii[c] lxxix xxi augusti d(air)mede/ symoen bekinde vand(en) voirs(creven) ja(n)ne va(n) hercke laureyse zijne(n) sone/ en(de) hubrechte portene(re) ontfangen te hebben(e) vijftich r(inssche) g(uldenen) goet en(de)/ ghinge te xxiiii st(uvers) tstuc drie pl(a)c(ken) voir den st(uver) uut saken va(n) x r(inssche) g(uldenen)
//
mu(n)ten vand(en) vier coorvorste(re)n goet en(de) payabel voir datu(m) der brieve/ die gemaect wae(re)n xx octobr(is) a(n)no lxxvii gemu(n)t en(de) geslagen staen(de)/ ten live meest(er) goloys van tsestich en(de) van vijf jae(re)n v(er)loepen hoe wel/ dese br(ieve) soe out niet [en] zijn mair zijn dese voirs(creven) brieve gespruyt uut/ scepen(en) brieve(n) van oude(re)n daten welke lijfpen(sien) jairlix valt opten/ xxiiii dach septe(m)br(is) en(de) d(air)mede symoen he(m) bekinde volcomelijc v(er)nuecht/ en(de) wel betaelt en(de) schout d(air)af quijte de voirs(creven) drie p(er)sonen hue(r)/ goede en(de) alle ande(re) des quitan(cie) behoeven(de) geloven(de) hem d(air)af ne(m)m(er)meer/ te vexe(re)n in e(n)nigen rechte (et)c(etera) mair van deser quitan(cie) wara(n)t te zijne/ tot eeuwige(n) daghen dede noch voirt lesen eene(n) scepen(en) brief va(n)/ loeven(e) vand(er) daet xiiii[c] lxxx xiii nove(m)br(is) d(air)mede de voirs(creven) meester/ golijn van tsestich en(de) peter van dormale zijn swager als mo(m)boir/ zijns wijfs beyde als naeste oir en(de) erfgename der voirs(creven) jeha(n)nen/ vand(en) wolputte huer(en) moeder wed(uwe) des voirs(creven) jans va(n) tsestich kinden/ gehaven te hebben en(de) ontfangen van vrou ysabeelen grevi(n)ne tot/ salmen uut handen jans opten berch huers rintm(eeste)rs de so(m)me van/ x gouden r(inssche) g(uldenen) die der selver jeha(n)nen der moeder vielen a(nn)[o] lxiiii[c]/ lxxix xxiiii in sept(embris) vand(en) x gouden rinssche gulden(en) lijfpen(sien) die/ de selve jeha(n)ne hadde te hue(re)n live met scepen(en) brieve(n) va(n) loeven(e)/ vander daet m iiii[c] lxxvii xii in april aen woute(re)n va(n) wesenbeke/ symoen(en) zijne(n) sone willem(me) va(n) dyeven en(de) katlijne(n) va(n) dyeve(n) symoe(n)s/ weerdy(n)ne voirs(creven) scelden(de) d(air)af en(de) van allen ande(re)n achterstellen/ der selver lijfpen(sien) en(de) oic vand(en) p(ri)ncipalen rinten want die v(er)storve(n)/ es volcomelijc quijte de voirs(creven) v(er)obligeerde p(er)sonen huer goede de/ voirs(creven) vrouwe van salmen hue(re)n rintmeester en(de) alle ande(re) des/ quitan(cie) behoeven(de) geloven(de) de selve d(air)af ne(m)mermeer aen te spreken/ in gheene(n) rechte gheestelijc noch weerlijc mair van des(er) ky(n)nissen/ en(de) quitan(cie) tegen eene(n) yegeliken recht warant te zijne en(de) inne/ te stane tot eeuwigen daghen dede voirt seggen dat des voirs(creven)/ symoens geexhibeerde obligacien spreken van afleggen van/ lijfpen(sien) met c en(de) x r(inssche) g(uldenen) en(de) oic met vollen rinten va(n) eene(n) jae(r)/ wae(re) een ongeoirlooft co(n)tract buyten formen va(n) rechte smaken(de)/ der natue(re)n van usuren want dat was condicionael oft dlijf/ niet en leefde dede voirt seggen dat de voirs(creven) symoen als/ hij de voirs(creven) ii ierste scepen(en) brieve der voirs(creven) xx r(inssche) g(uldenen) lijfpen(sien)/ over creech die tot gheenen ande(re)n liven v(er)leyt en waert te/ stellen dan ten selven liven inden selve(n) ouden en(de) iersten/ brieve(n) begrepen die doen leefden hoe wel symon hem selven/ sueken(de) de contrarie aen den voirs(creven) va(n) hercke inden obligatien/ die hij van hem genomen heeft voirtgekeert heeft soe v(er)re/ dat hij met zijnen schoenen woirden strangen v(er)volgen ende
//
ongewarigen te kynnen geven(de) alse voe(r) hem heeft doen stellen/ die x die alleene doen stonden opder voirs(creven) jeha(n)nen lijf vand(en)/ wolputte oic ten live meester goloys huers soens dair inne/ hij symon om die tsijne(n) singule(re)n prouffijte te betrecken zijn heffen/ en(de) dispositie tegen god en(de) alle rechten heeft behouden nochtan dat/ hij die selve gelijc niet voirde(r) te laste en hadde noch met/ zijne(n) borgen verborcht dan ten live der voirs(creven) jeha(n)nen vanden/ wolputte alleene soe die opde selver jeha(n)nen lijf alleene mits/ der doot lijsken huer(en) dochter verstorven wae(re)n seyde voirt dat/ merckelijc bleec dat symoen zijne(n) vader en(de) oem in des voirs(creven)/ steet hadde v(er)schoent en(de) den voirs(creven) ja(n)ne verswaert want de selve/ jan ten tijde als hij met sijne(n) obligacien symoene te vreden/ hadde moeten stellen soe voirs(creven) steet gheenssins en hadde/ connen over gecrigen vanden selven symoene o(n)gecancelleert/ de voirs(creven) oude en(de) yerste brieve dair alle dande(re) uut gespruyt zijn/ en(de) oerspronc nemen mair wardden hem die bijde(n) selve(n) symoene/ al doersneden en(de) gecancelleert om dat op zijne(n) vader en(de) oem/ die nochtan gelijc hem dair even dyepe inne stonden dairmede/ gheen v(er)volch noch belastinge geschien en soude dwelck was tegen/ god en(de) recht seyde voirt dat bij des voirs(creven) symoens kynnessen/ en(de) quitan(cie) vand(er) daet xiiii[c] lxxix aprilis xxii dair hier voe(r)/ af geruert es m(er)ckelijc bleec dat symoen gekint heeft dat/ hem vand(er) helicht der xx r(inssche) g(uldenen) lijfpen(sien) genoech gedaen es van/ welken xx r(inssche) g(uldenen) lijfpen(sien) vrouwe jeha(n)ne van rotselair gre/ vi(n)ne van salmen en(de) h(er) jacop huer sone den voirs(creven) ja(n)ne hustin/ a(n)no lxiiii iiii[ta] nove(m)br(is) gelooft hadden scadeloes tontheffen/ alsoe der selver vrouwen dat oick met vo(n)nisse bijden ca(n)cell(ie)r/ en(de) raide van brabant a(n)no lxxviii xvi nove(m)br(is) ae(n)gewesen/ was te doen(e) aldus wae(re) merckelijc te gevuelen dat dese/ kynnesse slaet alleene opde helicht vand(en) selven xx/ r(inssche) guld(enen) welke pointen alle en(de) yegewelke soe v(er)re die/ wordden ontkint de voirs(creven) jan p(rese)nteerde te thoenen soe/ v(er)re die in feyte wae(re)n gelegen en(de) bijden voirs(creven) symoene/ wordden ontkint en(de) metten mynsten te gestane hopen(de)/ wair hij die gethoenen conste want gelijc voe(r) de voirs(creven)/ symoen vand(en) x der voirs(creven) xx r(inssche) g(uldenen) lijfpen(sien) metten v(er)loepe
//
v(er)loepe van dien v(er)nuecht was en(de) de pe(n)ni(n)ge van dien te he(m)weert/ getogen hadde soe dat die tsijnen laste stonden en(de) dande(r) x/ mits der doot van jeha(n)nen vand(en) wolputte en(de) huer(en) dochter/ wae(re)n verstorven en(de) den achterstel van dien betaelt soe dat/ de naeste erfg(ename) der selver jeha(n)nen die de lesteleven(de) was va(n) hue(r)/ en(de) huer(en) dochter voirs(creven) dat ope(n)bairlijc gelijc voe(r) voir scepen(en) va(n)/ loeven(e) bekint hebben en(de) men niet bevi(n)den en soude dat symoe(n) zijn/ wijf oft huer borghen oft oic symoens vader zijn oem oft hue(r) borge(n)/ oft goede oic last hadden oft meer oft voirde(r) soude(n) moege(n) hebben/ dan vand(en) x r(inssche) g(uldenen) lijfpen(sien) die symoen gelijc voe(r) te hemweert/ genomen en(de) de pe(n)ni(n)ge d(air)af getogen heeft oft oic dat symoen/ den voirs(creven) ja(n)ne van hercke oft den zijnen oyt helling oft pe(n)ni(n)g/ gaf oft dat hem de selve van hercke oyt yet sculdich was/ voir de x r(inssche) g(uldenen) lijfpen(sien) die hij hem ten live meester golijns/ en(de) zijnder moeder heeft doen bekynnen en(de) dat meester goly/ oic meer eyscht dan x r(inssche) g(uldenen) lijfpen(sien) tsjaers d(air)af gelijc voe(r)/ symoen de voirs(creven) pe(n)ni(n)ge te hemweert getogen heeft soe/ co(n)cludeert de voirs(creven) van hercke dat hij der aenspraken/ sculdich es ongehouden te zijne want anderssins soude/ symoen x r(inssche) guld(enen) lijfpen(sien) trecken dair hij noch nyema(n)t/ noyt helling noch pe(n)ni(n)g af en gaf noch oick d(air)af mijn/ vrouwe van salmen h(er) jacop huer sone jan va(n) hercke oft/ yema(n)t anders noyt mu(n)te oft de weerde d(air)af en tegen p(rese)nteerden/ de selve va(n) h(er)cke oftmen bevo(n)de dat symoen oft de zijne voirde(r)/ gepraemt wordden vand(en) xx r(inssche) g(uldenen) lijfpen(sien) voe(r) geruert dan/ vand(en) x r(inssche) g(uldenen) lijfpen(sien) d(air)af hij de pe(n)ni(n)ge gelijc voe(r) getogen heeft/ en(de) vand(en) pachten d(air)af v(er)schenen zeder dat hij die te he(m)weert heeft/ genomen en(de) oic dan vand(en) pachten voirtane va(n) dien v(er)schinen(de)/ he(m) en(de) eene(n) yegeliken d(air)af te lossen op dwelc de voirs(creven) symoen/ replice(re)nde bij zijne(n) p(ro)cur(eur) dede seggen dat de wed(uwe) te weten(e) jeha(n)ne/ vand(en) wolputte noch leefde ten tijde alse den voirs(creven) brief d(air)mede/ hij ageert was gemaect en(de) dat den selve(n) br(ief) was gepasseert in/ forme(n) van rechte en(de) men niet bevi(n)den en soude noch de wed(er)p(ar)tie/ en leyde dat niet bij dat tselve lijf doen doot was soe was sculdich/ den selve(n) brief te sorte(re)n effect te voirde(r) want de wed(er)p(ar)tie niet/ en soude co(n)nen bewijsen dien voldaen te hebben(e) dede voirt replice(re)n/ de selve symoen dat van ouden tijden men hadde geplogen/ en(de) moegen ov(er)nemen sulken en(de) gelike scepen(en) br(ieven) en(de) die t(er) execucien/ stellen opde ghene d(air)dat den hebbe(r) vand(en) br(ieven) geliefde seyde voirt
//
dat zijn vader en(de) oem de lijfpen(sien) vand(en) voirs(creven) xx r(inssche) g(uldenen) hadde(n)/ moeten anders bevestigen bij rigue(r) va(n) rechte en(de) dat zij vele/ pachten van dien hadden betaelt en(de) hij nae hen mits den welken/ hij co(n)cludeerde dat de selve zijn brieve sculdich wae(re)n effect te sorte(re)n/ p(rese)nte(re)nde den selve(n) te baten te comen tegen dwelck de voirs(creven)/ van hercke dupliceerde nemen(de) zijn voirs(creven) point alhier als/ voe(r) verhaelt co(n)clude(re)nde als voe(r) soe v(er)re dat scepen(en) va(n) loeven(e)/ inder saken gemaent die sake gewijst hebben met vo(n)nisse/ inder stad handen en(de) ter stadt termi(n)acien en(de) dat de/ brieve va(n) beyden p(ar)tien sullen bliven onder de wet en(de) de/ voirs(creven) van hercke sal op zijn gelofte tande(re)n tijden gedaen geslaect/ bliven vand(en) vroenten tot dat de t(er)mi(n)acie hier inne geloepen/ sal zijn om dan te s geschien des behoiren sal in sca(m)pno p(rese)ntib(us)/ om(n)ib(us) scab(in)is dempt(is) roelants buetsele sept(embris) xviii