Want lambeert du fay als geleyt nae deser stadt recht voir/ zijn wettich gebreck uut crachte van scepen(en) brieve(n) van loeven(e) tot/ allen den goeden beyde have en(de) erve jehan bodar en(de) henrion de tierne/ soe wair die gelegen zijn hem oft willem(me) van bierbeke der stad bode/ in zijne(n) name met brieve(n) van des(er) stadt gescreve(n) aen den meye(r)/ van mont s(ain)[t] andrien oft zijne(n) stedehoude(r) heeft doen leve(re)n en(de) den/ voirs(creven) p(er)sonen oft zij tegen de voir(screven) leveri(n)ge yet hadden willen allige(re)n/ oft de voirs(creven) scepen(en) brieve inpugne(re)n tot welken daghe noch oick/ op heden als ten verstreken(en) dage va(n) rechte de voirs(creven) p(er)sone(n) noch nyema(n)t/ van hue(re)n wegen geco(m)pareert en zijn den voirs(creven) geleydden altijt/ co(m)pare(re)nde en(de) trecht voirt versueken(de) soe v(er)re dat scepen(en) van loeven(e)/ ter manissen smeyers nae dat hen behoirlijc heeft gebleken bij/ rapporte des voirs(creven) willems va(n) bierbeke de voirs(creven) leveri(n)ge ende/ dach bescheydinge geschiet te zijne gewesen hebben voir een vo(n)nisse/ datmen den voirs(creven) geleydden vanden voirs(creven) goeden houden soude/ inde macht van zijnen beleyde en(de) leveri(n)gen voirs(creven) alsoe verre/ alst noch voir scepen(en) comen es act(um) in sca(m)pno octobr(is) iiii