It(em) jacop vanden dale die van denijse va(n) oudreghem inde banc/ voir meye(r) en(de) scepen(en) van loeven(en) ae(n)gesproken was voir een seke(re)/ so(m)me ghelts va(n) ouden scepen(en) brieve(n) van loeven(en) d(air)af die sake/ soe v(er)re gehandelt was met rechte dat de selve denijs stont/ op zijne(n) thoen d(air)af den dach op heden diende soe hij seyde en(de)/ alsoe sustineerde hij wair de voirs(creven) denijs met zijne(n) thoene/ niet voirts en voere ten opstane smeyers en(de) der scepen(en) dat/ hij va(n) zijne(n) eyssche versteken soude zijn nae dien de selve denijs/ voir oogen niet en was noch hem en p(rese)nteerde te rechte om dair/ mede voirt te vae(re)n dwelck de selve jacop sustineerde dat/ alsoe behoirde te geschieden(e) soe v(er)re dat scepen(en) dair op/ gemaent begheerden te weten(e) oft den dach diende op heden/ en(de) nae dien dat den selven scepen(en) ter memorien gereduceert/ wert dat de selve denijs tzijne(n) thoene was gewijst en(de) zij va(n)/ gheene(n) uutstelle en hadden gehoirt alsoe dat billix nijs hem/ dair toe bereet soude gheven soe is gecleert gelieft jacoppe/ dit te doen(e) registere(re)n dat hij dat doen mach in sca(m)pno cor(am)/ om(n)ib(us) scab(inis) julii x