It(em) meester jan va(n) overwynghe meester in arten en(de) jouffr(ouwe)/ katlijne van overwynghe zijn suster weduwe henricx wilen vanden/ b(er)ghe en(de) lodewijck van overwynghe huer(en) liede brueder als naeste/ oir en(de) erfgenamen he(r)en henr(icx) wilen va(n) overwynghe priesters/ huers wettichs brueders in p(rese)ncia hebben geco(n)senteert ov(er)gegeve(n)/ en(de) gewillecoert pro se eoru(m)q(ue) he(re)dibus et successoribus k ja(n)ne de/ moeleslege(re) en(de) katlijne(n) van gaspeldoren zijnder weerdy(n)nen om den/ selven gehuysschen te subvenie(re)n en(de) behulpelijc te comen zijne/ dat zij comen moegen uute(n) swaren lasten dair zij inne gevallen/ zijn mits den ongevalle vanden dootslage dair de selve jan/ o(n)noselijc inne gevallen es aen den p(er)soen henr(icx) wilen bludelevens/ d(air)voe(r) de selve jan t(er)stont nae tselve feyt geva(n)gen wart en(de) een/ wile geva(n)gen sadt eer hij ter zoenen aen den hee(re) en(de) p(ar)tien geraken/ conste dat zij sullen moegen v(er)coepen en(de) pe(n)neweerden alsulken/ gelege met huyse hove en(de) den lande en(de) den huyse dair neven/ gelegen en(de) den toebehoirten gelegen opden rechten s(in)[te] katlijnen/ keyberch wilen toebehoiren(de) den voirs(creven) wilen he(r)en henr(icke) va(n) over/ wynghe tusschen de goede he(r)en jans sampayn priesters en(de) jacops/ va(n) vertrijcke ter eender gheerts loots ter ande(re) en(de) desselfs jacops va(n)/ veertrijcke ter derder zijden en(de) de pe(n)ni(n)ge d(air)af comen(de) beke(r)en int afdoen/ en(de) v(er)vallen der voirs(creven) hue(re)r lasten en(de) voirt die goede goeden ende/ vestigen uut crachte va(n) desen consente en(de) vand(en) selve(n) app(ro)bacien/ en(de) oic uut crachte vand(en) testame(n)te des voirs(creven) wilen he(r)en henr(icx) niet/ tegenstaen(de) e(n)nigen condicien oft restrictien vande(n) selve(n) testame(n)te/ den coop(er)e die die gecocht mach hebben oft coopen sal welke/ v(er)coepingen guedi(n)gen en(de) vestich(eit) alsoe d(air)af bijden voirs(creven) gehuysschen/ geschiet oft te geschieden(e) en(de) gedaen te wordden(e) de selve
//
gebruede(re)n en(de) suster cu(m) tutore alsnu voir alsdan geapprobeert gelaudeert/ geco(n)firmeert hebben en(de) mits desen laude(re)n app(ro)be(re)n en(de) confirmeren/ gelijc oft zij die selve mede hadden hulpen doen sonder dair tegen/ te comen te doen oft yet te atte(m)pte(re)n bij hem selven oft yeman(de) anders/ in e(n)niger wijs scelden(de) hue(r) recht en(de) actie van dien gansselijc/ quijte tot behoef der voirs(creven) gehuysschen en(de) coepe(re)n vanden goeden cor(am)/ hoelair thenis julii xix