Uut dien dat meester peter van loeven(en) met brieve(n) vand(er)/ stadt slinckelijc geimpetreert heeft (bij)? inscriven gesc(reven) aen den meye(r)/ van berthem oft zijne(n) stedehoude(r) als geleyt totten goeden jans vand(er)/ bruggen dat hij de vruchten van den goeden die wouter va(n) b(er)them/ plach te besitten aldair gelegen die soe hij meynde ten tijde va(n)/ zijne(n) beleyde ja(n)ne vander bruggen toebehoirden van heerheyden/ aenveerde afdede invuerde en(de) sequestreerde op cost en(de) last der/ selver goede soe zijn comen op heden bijden raide vander stadt/ jan van buetsele soe voir hem selven voir zijns wijfs duwarie/ soe inden name he(n)nekens va(n) berthem natuerlijcx als actie soe hij/ meynde totten selven goeden hebben(de) ter eender en(de) de voirs(creven) meester/ peter ter ande(re) aldair de voirs(creven) van buetsele dede lesen een vo(n)nisse/ van scepen(en) opten xii[ten] dach va(n) meye tusschen hen gewesen dwelck
//
soe de selve jan seyde aenghinc des(er) selver materien en(de) want men/ niet bevi(n)den en soude dat meester pet(er) alnoch dien vo(n)nisse acht(er)/ volgen(de) yet hadde doen bliken va(n) tghene dair hij metten selven/ vo(n)nisse toegewijst was hoe wel de selve jan d(air)o(m)me va(n) daghe/ te daghe hadde gevolcht en(de) meester peter hem inden selven/ vo(n)nisse richten woude aen vijftich rinssche gulden(en) die hij hielt/ dat ja(n)ne vander bruggen tot wiens goeden meester pet(er) geleyt/ es met tractate toegevuecht souden zijn alse gecomen vanden/ selven goeden va(n) berthem en(de) p(ar)tien d(air)af alnoch in rechte ha(n)gen/ ombeslicht soe sustineerde hij dat de selve meester peter met/ zijne(n) sequestre en(de) de goede tot swaren coste metten hee(re) inne te/ doen(e) verdoolt wae(re) en(de) dat zij inde possessie bliven souden hem/ des gedragen(de) totten rechte te voirde(r) want men bevi(n)den soude/ dat de actien die hij en(de) he(n)neken van berthem totten voirs(creven) goeden/ hadden oude(r) waren dan meester peters beleyt oic wae(re) hij/ soe hij hoepte voir de vruchten goet genoech en(de) p(rese)nteerde d(air)voe(r)/ inne te stane oft borge te stellen oft hijer niet goet genoech en/ wae(re) oft yema(n)t dair toe beter recht hadde die te restitue(re)n hopen(de)/ d(air)mede te gestane tegen dwelck meester peter replice(re)nde seyde/ dat hij selve in possessien wae(re) en(de) niet de voirs(creven) zijn wederp(ar)tie/ dair tegen de voirs(creven) jan seyde dat dat niet en bleec in der/ voirs(creven) missiven bij meeste(re)n pete(re)n geimpetreert dair mede hij v(er)socht/ de goede gesequestreert en(de) vanden hee(re) op sgoets cost ingedaen te/ hebben es get(er)mineert en(de) uutgesproken dat ja(n)ne van buetsele/ inden name als boven die ten tijde va(n) meester peters beleyde was/ inde possessie der goeden d(air)op de vruchten staen d(er) questien af/ es de selve vruchten volgen sullen opde p(rese)ntacien bij ja(n)ne van/ buetsele gelijc voe(r) gedaen [va(n)] d(air)af te rechte inne te stane en(de) ofts behoeft/ borge te stellen(e) en(de) gelieft meester pete(re)n met zijnder saken voirt/ te vae(re)n achtervolgen(de) den voirs(creven) vo(n)nisse dat hij dat doen mach/ act(um) julii xxvii