Vander saken en(de) questien gecomen bijden raide vander stadt tusschen/ gielijse vanden meertshoven vleeschouwe(r) douwe ter eender zijden en(de) ja(n)ne/ andries ter ande(re) aldair de selve gielijs te kynnen gaf hoe h dat hij den/ selven ja(n)ne te vastelavont lestleden leende seke(re) pe(n)ni(n)gen totter/ so(m)men van xl rinssche gulden(en) eens op alsulken condicien en(de) vorweerden/ dat de selve jan hen va(n) dage te daghe leve(re)n soude pensen vand(en) beesten/ die hij dagelijcx slaen soude met welken pe(n)ni(n)gen voirs(creven) de selve/ henr(ic) hem behulpen soude om beesten inne te coopen(e) en(de) te slane/ en(de) was doen t(er)tijt oic bevorweert en(de) ondersproken dat de voirs(creven)/ jan van dier so(m)men bij alsoe hij egheene leveri(n)ge en dade inder mate(n)/ voirs(creven) den selven gielijse vestich(eyt) doen soude den rechte genoech zijnde/ van zijne(n) pe(n)ni(n)gen voirs(creven) om die weder te crigen(e) alst hem gelieve(n)/ soude bidden(de) en(de) bege(re)nde de voirs(creven) gielijs va(n) rechts weegen dat/ hem d(air)van rastoer gebuerde vanden selven pe(n)ni(n)gen want jan zijn/ vorweerden niet gehouden en hadde noch egheene vesticheyt geset/ vanden selven inder maten gelijc dat bevorwert was d(air)op de selve/ jan dede zijn onschout seggen(de) dat hij niet en hadde co(n)nen geslaen/ noch zijn neri(n)ge gehante(re)n mits siecten die hij gehadt hadde bidden(de)/ en(de) bege(re)nde dat de hee(re)n dat aensien wouden en(de) den selven gielijse/ onderwijsen dat hij met hem woude lijden hij soude voirtaen doen/ dbeste dat hij conste om den selven te contente(re)ne beky(n)nen(de) genoech/ de schult vanden geleenden pe(n)ni(n)gen voirs(creven) en(de) dovercomen va(n) dien/ d(air)op de voirs(creven) gielijs seyt dat hij zijn pe(n)ni(n)gen behoefde en(de) en conster/ niet langer gederven niet te myn hij p(rese)nteerde hem noch tot thien/ rinsschegulden(en) toe te leenen totten xl bij alsoe hij hem vesticheyt/ dade te voldoen(e) tghene des hij op ande(re)n tijden ae(n)genomen hadde/ oft bij alsoe dat hijs niet gedoen en conste soe begheerde hij/ betaelt te zijne vand(en) xl rinssche gulden(en) voirs(creven) d(air)op jan seyt/ dat hem niet wel moegelijc en wae(re) borchtocht oft vesticheyt/ te setten(e) mair p(rese)nteerde altijt te voldoen(e) nae zijn macht d(air)mede/ gielijs niet te vreden en was es geappointeert en(de) get(er)mineert/ bijder stadt nae dien dat de wethouders d(air)op gelet hadden/ dat de voirs(creven) jan den voirs(creven) gielijse zijn pe(n)ni(n)ge die hij hem/ geleent hadde opleggen soude en(de) betalen oft de p(rese)ntacie vanden/ selven gielijse aenveerden en(de) dair van goede vestich(eyt) van/ panden doen den selven gielijse als dat hij des te vreden mocht/ wesen act(um) in (con)silio opidi aug(usti) xviii
//