Want de voirs(creven) gort als geleyt nae des(er) stadt recht voir/ zijn wettich gebreck uut crachte van scepen(en) brieve(n) van loeven(e) tot/ allen den goeden beyde have en(de) erve gheerts weer henr(ix) zijns/ vaders en(de) gheerts va(n) gheerb(er)gen soe wair die gelegen zijn hem oft/ tyebaulte steenwechs der stad bode in zijne(n) name met brieven
//
van deser stadt gescr(even) aen den voirs(creven) meye(r) va(n) halen oft zijnen/ stedehoude(r) te nuwer capellen alle de goede der selver p(er)sonen/ heeft doen leve(re)n en(de) dach va(n) rechte doen bescheyden henricke/ schoemake(re) (christ)ia(n)ne boegart matheeuse peters en(de) henricke/ va(n) daelhem en(de) ande(re) die die houden(de) waren alhier te co(m)pare(re)n/ inde banck voir meye(r) en(de) scepen(en) oft zij tegen de voirs(creven) leveri(n)ge/ yet hadden willen allige(re)n tot welken dage de voirs(creven) p(er)sonen noch/ nyema(n)t van hue(re)n weegen geco(m)pareert en es den voirs(creven) geleydden/ altijt co(m)pare(re)nde en(de) trecht voirt versueken(de) soe verre dat scepen(en)/ van loeven(e) ter manissen smeyers nae dat hen behoirlijc heeft/ gebleken bij rapporte des voirs(creven) boden de voirs(creven) leveri(n)ge en(de) dach/ bescheydinge geschiet te zijne gewesen hebben voir een vo(n)nisse datmen/ den voirs(creven) geleydden vanden voirs(creven) goeden houden soude inde macht van/ zijne(n) beleyde en(de) leveri(n)gen voirs(creven) alsoe v(er)re alst noch voir scepen(en) comen/ es act(um) in sca(m)pno eod(em)