It(em) joh(ann)es opden berch die nae den rechte der stad van loeven(e)/ comen en(de) geleyt es tot allen den goeden des edelen hee(re)n jacops/ wilen greve van salmen in p(rese)ncia heeft gekint en(de) gelijdt gehave(n)/ te hebben en(de) ontfangen vanden edelen en(de) moegen(de) h(er)toge willem(me)/ h(er)toge tot gulcke en(de) totten b(er)ghe greve te ravensb(er)ghe hee(r) te/ heynsb(er)ghe te diest te zichen(en) (et)c(etera) en(de) dat uut handen mathijs/ vanden rode zijns rintmeesters in zijne(n) voirscr(even) lande va(n) diest/ de helicht van lxxxv r(inssche) gul(denen) eene(n) stuver vi miten die vrouwen/ ysabeelen va(n) glymes weduwe des voirscr(even) g(r)[e]ven van salmen vielen/ te paesschen lestleden bekinnen(de) de selve joh(ann)es hem d(air)af v(er)nuecht/ en(de) wel betaelt scelden(de) volcomelijck quite den voirscr(even) h(er)toge/ zijne(n) voirscr(even) rintmeester en(de) alle ande(re) des quitan(cie) behoeven(de)/ vanden voirscr(even) t(er)mijne van paesschen lestleden en(de) van allen/ ande(re)n t(er)mijne(n) d(air)aff voe(r) den selven paesschen v(er)schenen en(de) gevallen/ cor(am) buetsele thenis octobr(is) iii