It(em) willem de mont woenen(de) te p(er)weys als man en(de) mo(m)boir lijsbeth/ yveten dochter willems wilen yveten diemen hiet der kinde(re)n absent/ zijnde die hij h(ier) inne gelooft te v(er)vangen en(de) oick als procur(eur) ende/ gemechticht va(n) ja(n)ne liegois als man en(de) mo(m)boir van (christ)inen de cuyct/ zijns wijfs wettige dochter mathijs de cuyct die hij hadde van (christ)inen/ / wilen yveten zijne(n) wive dochter des voirs(creven) wilen willems Voirts/ als gemechticht va(n) jacoppe bercman wettich sone mathijs wilen/ bercmans die hij hadde van katlijnen wilen yveten zijne(n) wive/ oic dochter svoirs(creven) wilen willems en(de) oick als gemechticht va(n) pete(re)n/ van loon als man en(de) mo(m)boir van (christ)inen vlemi(n)cx zijne(n) wive wettige/ dochter wouters wilen vlemi(n)cx die hij hadde van magrieten wilen/ yveten dochter des voirs(creven) wilen willems yveten de welke deselve/ willem de mont hier inne gelooft heeft te vervangen ter eender/ zijden en(de) symon en(de) henrick van nederhem gebruede(re)n sonen/ marisses wilen van nederhem voir hen en(de) inden name lijsbetten yveten/ en(de) (christ)inen van nederhem huer(er) suster die zij h(ier)inne verva(n)gen ter ande(re)/ sijn comen voir scepen(en) van loeven(e) kynnen(de) en(de) lijden(de) dat [zij] bij middele/ en(de) toedoen(e) va(n) e(n)nigen hue(re)n vrienden v(er)accordeert en(de) eenswordden zijn/ met malcande(re)n der pointen condicien en(de) vorweerden hier nae bescr(even)/ die zij malcande(re)n gelooft hebben tonderhouden(e) en(de) te voldoene En(de)/ inden iersten dat der voirs(creven) ierster partien ombelet vand(en) voirs(creven) gebruede(re)n/ en(de) hue(re)n adhe(re)nten volgen sullen tusschen dit en(de) s(in)[te] m(er)tensmisse naest/ comen(de) de drie p(ar)ceelen van erven h(ier)nae volgen(de) te weten(e) ierst/(½) sille beemts gelegen inde prochie va(n) kersbeke int gemeyn/ broecxken te zoerbeemde naest der beken aldair en(de) den goeden/ henr(ix) fredericx It(em) noch een beemdeken dairneven gelegen inde/ prochie van zoerbeemde tusschen de goede des outaers van zoerbeemde/ en(de) dat doerbroec It(em) noch (½) sille broecx int doerbroec gelegen tusschen/ arnde noytens ter eender zijden en(de) [vacat] ter ande(re)/ alle drie pant zijnde den gasthuyse van diest voir seke(re) erf/ rinte opden last uute(n) selven goeden gaen(de) oft dat de voirs(creven) gebruede(re)n/ voir hen en(de) hue(r) suster der voirs(creven) ierster p(ar)tien dair voe(r) geven sullen/ tusschen dit en(de) paesschen naestcomen(de) xxvii lichte gulden(en) d te thien/ stuvers tstuc en(de) drie pl(a)c(ken) voir den stuver dwelck van beyden desen/ den voirs(creven) willem(me) de mont best gelieven sal en(de) sal de selve willem/ d(air)af deen oft dander seggen dwelck hij van beyden kyesen wilt tusschen/ dit en(de) s(in)[te] m(er)tensmisse naestcomen(de) behalven dat hie(re)nby(n)nen de/ selve goede sullen bliven en(de) gehouden worden in state sonder die te/ crincken oft te arge(re)n aen den houtwas En(de) mits desen heeft de voirs(creven)/ willem de mont inden name en(de) verva(n)gen(en) gelijc voe(r) volcomelijc/ quijt gescouwen den voirs(creven) wilen marisses va(n) nederhem der voirs(creven)/ gebruede(re)n en(de) suster vader zijn oir en(de) erfgenamen en(de) naecome/ li(n)gen en(de) alle hue(r) goede van allen den bewinde hanteringen/ regime(n)te vercoopen en(de) verthie(re)n dat hij oft zij gehadt moegen/ / hebben als geleyt nae des(er) stadt recht tot allen den goeden have/ en(de) erve symoens vand(er) berct (christ)inen van nederhem zijns wijfs/ weduwe willems wilen der kinde(re)n (christ)inen en(de) katlijne(n) der kinde(re)n/ der voirs(creven) (christ)inen die zij behouden heeft vand(en) voirs(creven) wilen willem(me)/ wouters vlemi(n)cx en(de) jans de wolf vanden selven goeden oft e(n)nigen/ van dien kynnen(de) dat zij d(air)af en(de) van allen den goeden have vliegen(de)/ erve oft erve die bijden selven geleydden oft zijne(n) erfgenamen/ verthiert v(er)handelt oft v(er)cocht zijn oft die alnoch inden selven/ erfgenamen handen en(de) gebruyke zijn boven den goeden voirs(creven) volcomelijc/ v(er)nuecht gecontenteert en(de) te vreden gestelt zijn mits diversen schulden/ die de voirs(creven) wilen marisses als borge vand(en) voirs(creven) p(er)sonen tot/ wiens goeden hij geleyt es deughdeliken betaelt heeft app(ro)be(re)nde alle/ v(er)coepe guedingen en(de) vesticheyden die zij d(air)af gedaen hebben en(de)/ oft hij de pe(n)ni(n)ge kiest dat dan en(de) in dien gevalle de selve kinde(re)n/ wilen marisses van nederhem schuldich zijn oic erflijc te volgen en(de) te/ bliven de voirs(creven) drie p(ar)ceelen vand(en) goeden opde selve in dien gevalle en(de)/ voirt op alle dande(re) vercochte en(de) gegoedde goede en(de) oic op deghene die de/ voirs(creven) kinde(re) marisses anderssins noch onder hebben tot behoef der selver/ kinde(re)n en(de) ande(re)n dien die vercocht zijn wettelijc renu(n)cie(re)nde en(de)/ verthijden(de) p(ro)mitt(entes) sat(is)f(acere) prout cor(am) roelofs opp(endorp) octobr(is) xiii