Nae dien dat op heden everart de pape der stad te ky(n)nen heeft/ gegeven hoe dat jan blanckart hem va(n) daghe te daghe dede houden/ mits gebreke dwelc hij p(re)tendeert te hebben(e) van seke(re)n scepen(en) brieve(n)
//
comen(de) gespruyt uuyt eender verghichtingen opden selven everarde/ dair van zij in tijden voirleden bijder stadt af geweest zijn aldair de/ selve sake soe v(er)re gehandelt wert dat de stadt dair op letten soude/ opde selve v(er)ghichtinge en(de) scepen(en) brieve en(de) oec opde t(er)mi(n)acie d(air)/ mede de selve everaert sustineerde dat die te nieute wa(r)e en(de)/ he(m) niet en conste geletten hopen(de) dat jan sculdich soude zijn metter/ hachtingen te sup(er)sede(re)n totter beslichtingen der saken gemerct dat/ die in rechte hinck ongedecideert dair tegen jan hem opponeerde/ en(de) seyt dat alleene geseyt was ten tijde als zij bijder wet wa(r)en/ dat de vroente mair viii daghe geslaect en soude bliven en(de) dat/ dae(re)nby(n)nen de stadt de sake beslicht soude hebben en(de) want dat/ niet geschiet en was by(n)nen den selven tijde soe soe hoopte hij dat/ hij den selven everarde soude moegen doen hachten mits den scepen(en)/ brieve voirs(creven) dair af hij in gebreke was soe hij seyde soe es p(ar)tien/ uutgesproken nae dien dat de stad dair op gelet hadde dat/ de vroente geslaect soude bliven totten ynde vand(er) saken hangen(de)/ voe(r) de wet alhier en(de) was p(ar)tien geseyt dat zij quamen ten/ naesten daghe van rechte de stad soude voir oogen nemen des/ p(ar)tien in wederzijde op ande(re)n tijden te kynnen hadden gegeven en(de)/ dae(re)ntynden inde saken doen soe zij bevi(n)den soude behoiren(de)/ act(um) in co(n)silio opidi octobr(is) ulti(m)a