Alse vand(er) valuacien der lxxv stuv(er)s erflijc die de wed(uwe) switten/ jacop hue(r) sone en(de) jouffr(ouwe) a(n)ne huer dochter hebben opde huyse/ jans lesens die nu ten laste staen van denijse goessens uut saken vand(en)/ vercrijge van eene(n) der selver huysen die de voirs(creven) denijs afleggen/ woude en(de) hadde d(air)toe gestelt de pe(n)ni(n)ge opder stad wissel sijn/ de selve denijs ter eender en(de) de voirs(creven) moeder met jacoppe hue(re)n/ sone en(de) jouffr(ouwe) a(n)nen huer(er) dochter ter ande(re) comen voir den raide/ vander stadt aldair de voirs(creven) denijs meynde te gestane int/ afquijten voir elken stuver te gheven xviii stuv(er)s te drie pl(a)c(ken) tstuck/ en(de) de voirs(creven) wederp(ar)tie metter ouder van hue(re)n brieve(n) wesen(de) vand(er)/ daet a(n)ni lxx meynde dat hij d(air)voe(r) betalen soude voir elken stuver/ xviii st(uvers) te drie(n) pl(a)c(ken) tstuck en(de) xviii achthie(n) me(n)nekens hopen(de) dat/ dat behoirde d(air) tegen de voirs(creven) denijs de (contra)rie houden(de) te voirde(r) want/ de voirs(creven) brieve inhielden stuv(er)s tsh(er)togen mu(n)te dwelck was te/ verstaen(e) tsh(er)togen mu(n)te doen wesen(de) en es uutgesproken en(de) geclaert/ dat de selve denijs int selve afquijten betalen soude xviii stuv(er)s/ elken te ix negheme(n)nekens en(de) d(air)mede gestaen in (con)s(ili)[o] opidi aug(usti) vii