Want gielijs vanden ynde en(de) willem moens beyde als geleyt/ nae deser stad recht tot allen den goeden beyde have en(de) erve jans/ wilen vander hulst hem met jasp(er) claes vorste(r) alle de goede/ desselfs jans by(n)nen loeven(en) gelegen heeft doen leve(re)n en(de) dach/ van rechte doen bescheyden der weduwen desselfs wilen jans en(de)/ hue(re) kinde(re)n en(de) oic bilien vander locht oft zij tegen de voirs(creven) leveri(n)ge/ yet hadden willen allige(re)n tot welken dage de voirs(creven) p(er)sonen noch/ nyema(n)t v(an) hue(re)n wegen geco(m)pareert en zijn noch oic op heden als/ ten verstreken(en) daghe va(n) rechte der voirs(creven) geleydde altijt trecht/ voirt versueken(de) soe v(er)re dat scepen(en) van loeven(en) ter manissen/ smeyers nae dat hen behoirlijc heeft gebleken bij rapporte des/ voirs(creven) p(ro)cur(ator)s jasp(er) claes vorsters de voirs(creven) leveri(n)ge en(de) dach beschey/ dinge geschiet te zijne gewesen hebben voir een vo(n)nisse dat men/ den voirs(creven) geleydden vand(en) voirs(creven) goeden houden soude inde macht van/ zijne(n) beleyde en(de) leveri(n)gen voirs(creven) alsoe v(er)re alst noch voir scepen(en)/ comen es act(um) in sca(m)pno aug(usti) xviii