Achtervolgen(de) der submissien gepasseert voe(r) scepen(en) van/ loven(e) xv m(ar)cii lestleden onder beyaert tusschen de/ kinde(re) forneels t(er) eender henr(icke) huygen en(de) la(m)brechte/ daems als mans en(de) momboirs luytg(ar)den en(de) marien luyten gesuste(re)n dochte(re)n wijle(n) coenrarts t(er) ande(re) en(de)/ marieyen van crehain en(de) bertelmeeuse va(n) wersbeke/ al(ia)s van me(r) hue(re)n behuwede(n) zone t(er) derder zijden/ van zeke(re)n geschillen en(de) diffe(re)ncien die zij und(er)linge/ uuytstaen(de) hadden vand(en) erfgoeden chijsen ende/ pachten hen toecome(n) en(de) v(er)storve(n) bijder doot en(de)/ aflivich(eit) jans wilen va(n) ha(m)me zone wile(n) symoe(n)s/ gelegen te lijsmeel en(de) d(air)omtrint soe hebbe(n)/ de arbit(er)s en(de) mi(n)lijcke yffeners bijd(en) voirs(creven) p(ar)tien/ genomen en(de) eensdeels ind(er) submissien begrepe(n) hue(r)/ eendrechtige uuytsp(ra)ke gedaen en(de) al oick bij ov(er)geven(e)/ van p(ar)tien inder manie(re)n h(ier)nae v(er)cleert Te/ weten(e) dat den voirscr(even) kinde(re)n forneels en(de)/ hue(re)n erve(n) en(de) nacomelinge(n) tot eeuwige(n) [dagen] volge(n) en(de)/ toebehoiren sal tderdendeel van allen den selve(n)/ erfgoeden chijse(n) en(de) pachten wair die gelege(n) zij(n)/ oft bevonden sullen worden op tderdel vand(en) laste(n)/ uuyte(n) selve(n) geheele(n) goeden gaen(de) desgelijx is/ d(er) segg(er)s uuytsp(ra)ke dat den voirs(creven) henric huyge(n)/ en(de) lambrechte daems als mo(m)boire(n) huer(er) huysv(rou)wen/ d(er) kinde(re)n luyten oick volgen sal erflijck dander/ derdendeel van allen den voirg(eruerde) goeden oick/ opden last vand(en) derdendeele d(er) chijse d(air)uuytgaen(de)/ voirts es noch d(er) segg(er)s uuytsp(ra)ke dat tderde/ derdendeel der voirs(creven) goede gedeylt sal worden
//
in twee deelen ende dat mids zeke(re)n tractate/ gelueften en(de) toeseggen(e) dwelcke marie va(n) crehain/ en(de) bertelmeeus voirscr(even) gedaen hebben den kinde(re)n/ luyten als dat den selve(n) luyten gevolcht soude(n)/ hebben de iii deele en(de) hue(r) tvie(re)ndeel Te/ weten(e) deen deel vand(en) selven derdendeele/ der voirs(creven) marien van crehain en(de) bertel(meeus) voirs(creven)/ en(de) dander deel vand(en) selve(n) derdendeele den/ voirs(creven) henr(icke) huyge(n) en(de) lambrechte daems als/ momboe(re)n huer(er) huysvrouwe(n) om bij elken van/ hen hue(re)n erve(n) en(de) nacomelingen tvoirscr(even) zij(n)/ deel beseten te word(en) en(de) al zond(er) argelist/ Ende h(ier)mede sulle(n) de voirs(creven) p(ar)tien vand(er) voirs(creven)/ erflich(eit) v(er)accord(eer)t zij(n) en(de) blive(n) tot eeuwigen/ dagen ende als voe(r) vand(en) costen bijden/ p(ar)tien geleden is d(er) segg(er)s uuytsp(ra)ke dat/ elck vand(en) selve(n) p(ar)tien [behalve(n) marie va(n) crehain] zijn costen ov(er)geven sal/ in gescrifte bynne(n) xv dagen naestcomen(de) ende/ dat gedaen zijnde sulle(n) de arbit(er)s d(air)aff hebben/ hue(r) int(er)p(re)tacie en(de) goetdunck(en) vand(en) betalinge(n)/ die marie d(air)aff gehoude(n) sal zijn te doene ende/ als vand(en) v(er)loopen(en) pachte(n) gehave(n) en(de) alnoch te/ heffen(e) en(de) oick vand(en) v meswyn(n)en(e) d(er) land(en) / es d(er) segge(re)n uuytsprake dat zij d(air)aff behoud(en)/ oick hue(r) int(er)pretacie ende goetdunck(en)/ ende h(ier)mede sulle(n) v(er)smolten zij(n) alle vo(n)niss(en) t(erm)i(n)acien en(de)/oft appointeme(n)ten die om des(en) saken en(de) goeden wille/ gegeve(n) zij(n) oft geschiet wair dat dat geschiet zij(n)/ tsij te lov(en) te heyleshe(m) te lijsmeel oft elders en(de)/ p(ar)tien sulle(n) goede gevriende bliven cor(am) liefkenrode hoev(en)/ maii xiii