Nae dien dat lijsbeth spleckers metter banck recht van/ bethekem gevolcht heeft op seke(r) erfgoede aldair die wouter/ wilen janssone voe(r) en(de) g(er)truyt zijn dochter nae met beleyde/ van scepen(en) brieve(n) van loeven(e) te houden plaghen en(de) die de selve/ g(er)truyt met hue(re)n man voirts vercocht hebben eene(n) geheeten/ jan [vacat] den welken zij vand(en) selve(n) coope wara(n)t zijn moet/ soe zij seeght en(de) de selve g(er)truyt dat vervolch met brieve(n)/ vand(er) stadt heeft doen cesse(re)n en(de) p(ar)tien alhier dach doen bescheyden/ van rechte welken dach op heden dient soe heeft huer/ de selve g(er)truyt op heden te rechte gep(rese)nteert tegen de voirs(creven)/ lijsbeth die niet geco(m)pareert en is in sca(m)pno octobr(is) xxvi