It(em) joh(ann)es vos als p(ro)cur(eur) hee(re)n mychiel absoloens ridders in pr(ese)ncia/ heeft gekint en(de) gelijdt gehaven en(de) ontfangen te hebben vand(en)
//
vanden edelen en(de) moegen(den) h(er)toge willem(me) h(er)toge te gulcke en(de)/ totten berghe greve te ravensberghe hee(re) te heynsberghe/ te diest te zichen(en) (et)c(etera) en(de) dat uut handen mathijs vand(en)/ rode rintmeester desselfs hee(re)n in zijne(n) voirs(creven) lande va(n) diest/ de so(m)me van xviii rinsschegulden(en) uuyt saken vand(en) xxxvi/ r(insche) guld(en) die de voirs(creven) h(er) mychiel jairlijx en(de) erflijc heeft en(de)/ houden(de) es opde goede chijsen rinten en(de) pachten des voirs(creven)/ h(er)togen v(er)cregen tegen hee(re)n jacoppe wilen greve va(n) zalmen/ bescreve(n) in seke(re)n scepen(en) brieve(n) van loeven(e) en(de) ande(re) dairop/ gemaect te twee t(er)mijne(n) te weten(e) deen helicht te paesschen/ en(de) dande(r) helicht te bamisse en(de) dit vand(en) t(er)mijne va(n) paesschen/ lestleden Bekinnen(de) hem de voirs(creven) p(ro)cur(eur) vand(en) voirs(creven) t(er)mijne/ en(de) allen ande(re)n voirleden(en) t(er)mijne(n) va(n) voe(r) den voirs(creven) paesschen/ v(er)schenen volcomelijc genoech gedaen te zijne scelden(de) dair af/ quijte den voirs(creven) h(er)toge zijn goede en(de) rintmeester en(de) alle ande(re)/ des(er) quitan(cie) behoeven(de) cor(am) boxh(oren) liefkenrode octobr(is) xxix