Na dien dat joh(ann)es vander hofstadt inde banck voir/ meye(r) en(de) scepen(en) van loeven(e) met zijnder ae(n)spraken heeft willen
//
voirtvaren op seke(re) goede die h(er) machiel absoloens ridde(r) scepen(e)/ te loeven(e) houden(de) es met scepen(en) brieve(n) van loeven(e) [vacat]/[vacat] heeft de voirs(creven) h(er) machiel dat geschut seggen(de)/ en(de) p(rese)nterende te bewijsen(e) want de selve joh(ann)es voirmaels hem/ betogen hadde vanden selve(n) goede inden brabantschen raide/ dair die sake noch hinck ombelicht en(de) de selve joh(ann)es oick/ tande(re)n tijden hier op bego(n)nen hadde te volghen inde banck dair/ de goede gelegen waren welcke p(ro)cedu(r)e hij uut crachte van zijne(n)/ loeven(sche) brieve(n) hadde doen afscriven soe sustineerde hij dat de/ voirs(creven) ja(n)nes eer hij ontfangbaer alhier zijn soude in rechte sculdich/ soude zijn die p(ro)cedu(r)e te bruessel geschiet en(de) alnoch hangen(de)/ voir al afte doen(e) met meer reden(en) den voirs(creven) ja(n)nese die/ niet en ontkinde de selve p(ro)cedu(r)e te bruessel geschiet de/ co(n)trarie houden(de) Es gewijst gelieft den voirs(creven) joh(ann)ese vander/ hofstadt alhier voirts te varen(e) dat hij de vorste p(ro)cedu(r)en/ hieraf elswair geschiet ierst afdoen sal cor(am) eisd(em)